Ealiniñ haberdar oluv derecisini arttırması maqsadınen ve patlayıcı şeylernen özüni tutuv qaidelerini ögrenüv tedbirlerini yerine ketirüv çerçivesinde Ukrainanıñ vaqtınca işğal etilgen topraqlarınıñ reintegratsiya meseleleri nazirligi, eñ tarqatılğan patlayıcı şeyler üçölçüli resimlerinen «Minalar ve patlayıcı şeyler» körgezmeli qullanma-stendlerni işlep çıqardı ve umumiy orta tasil oquv yurtlarına berdi.

Böylece, bu stendler, Lugansk vilâyetindeki Şulhınka köy territorial cemiyetiniñ 4 oquv yurtuna berildi ve 2021 s. oktâbr ayınıñ 15-inde açılış tedbirleri vaqtında medeniy boşluq merkezinde taqdim etildi.

Mezkür stendler, balalarnı mina ve patlayıcı şeylernen özüni tutuv qaidelerini ögretmek içün ayırılıp qoyuldı.

Reintegratsiya nazirligi, patlayıcı şeylerniñ nasıl körgenini yeterli olmağanını ve özüni ve başqa insanlarnı saqlamaq içün özüni tutuv basit qaidelerine riayet etmek kerek olğanını qayd etmektedir.

Böylece, 2021 senesiniñ ilk yarımyılı içinde Donetsk ve Lugansk vilâyetleriniñ 18 territorial cemiyetlerinde Reintegratsiya nazirliginiñ hadimleri, 50den ziyade mina telükesi malümat-añlatma tedbirlerini keçirdi.

Bundan ğayrı 2021 s. oktâbrdan noyabrğa Kıyıv, Dnipro, Odesa, Harkiv ve İlbav şeerleriniñ demiryol stantsiyasında Reintegratsiya nazirligi tarafından azırlanğan «Mina telükesi aqqında malümat berüv» video filmçiginiñ yayınlanğanını hatırlatamız.