Ukrainanıñ vaqtınca işğal etilgen topraqlarınıñ reintegratsiya meseleleri nazirligi, Ukrainağa qarşı RF silâlı tecavuzı sebebinden arbiy fevqulâde vaziyeti neticesinde viran etilgen mesken evleri (daireleri) zarar körgenlerge para tazminatını berdi.

2021 senesi içün bücetke köre, Donetsk ve Lugansk vilâyetleri devlet memuriyetleriniñ (vilâyet rbiy-grajdan memuriyetleriniñ) sakinleriniñ içtimaiy qorçalavı meseleleri terkibiy bölüklerinden alınğaт ve tasdıqlanğan arizalarğa binaen Reintegratsiya nazirligi bücet parasını vilâyetlerde zarar körgenlerniñ sayısına köre mütenasip tarzda üleştirdi.

Böylece, noyabr ayında Donetsk vilâyetiniñ 75 sakini ve Lugansk vilâyetiniñ 4 sakini, RF silâlı tecavuzı sebebinden arbiy fevqulâde vaziyeti neticesinde viran etilgen mesken evleri (daireleri) içün 19 mln 600 biñ grivnalıq para tazminatını aldılar.

Umumen 2021 senesi içinde Donetsk vilâyetinde yaşağan 274 kişi ve Lugansk vilâyetinde yaşağan 32 kişi, Ukrainağa qarşı RF silâlı tecavuzı sebebinden arbiy fevqulâde vaziyeti neticesinde viran etilgen mesken evleri (daireleri) içün 57 mln 146 biñ 343 grivnalıq para tazminatını aldılar.

Para tazminatı arizasını berüv tarihına köre para tazminatınıñ nevbet şeklinde berilgenini qayd etemiz. Aynı tarihta eki berilgen ariza olsa, para tazminatı evi daa evel viran etilgen zarar körgenlerge berilecektir.

Umumen, 2021 senesiniñ başından berli Donetsk ve Lugansk vilâyetlerindeki eyyetlerniñ, 340 mesken fondnıñ obyektlerine saip olğan 389 zarar körgen kişige 93 million 795 biñ 741 grivnalıq tazminatnıñ berilmesi aqqında qararnı qabul etkenini hatırlatamız.