Milliy telemarafonı vaqtında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, işğal quvetleriniñ reberliginen böyle degen “HHC”niñ teşkil etilmesi aqqında adiseni tefsir etti.

O, bunı ve başqa yalancı müessiselerni teşkil etmek ıntılmasınıñ tamam fiaskonen bitkenini qayd etti.

“Video muracaatını çekmege tırışqan hanım endi ceza taqibatı ve şübe aldı. O pek tez tutulacaq ve Ukraina Ceza qanunnamesine mücibi ceza alacaq. Vaziyetni er bir yolunen yaramaylaştırmağa tırışacaq er kes añlamaq kerek: bu 2014 senesi degildir. Kericilik aniy olacaqtır! Ve tünevin Herson vilâyet şurası öz sözüni ayttı. Bugün ise fikirlerini ifade etken insanlar çıqtılar, bunı içün olarğa pek minnetdarım. Melitopol, başqa şeerler kibi, moraliñizni bozmañız! Er şey hatırlaymız ve bilemiz, birlikte olayıq”, – dep Reintegratsiya nazirliginiñ başı çağırdı.

İşğalcilernen işdeşlik yapmağa cesaret etken duşman tarafına keçkenler ve işbirlikçilerge dair memur inandırdı ki: olar çoq olmay. Ve bu, yerli akimiyetnde çoqusında añlı insanlarnıñ olğanını köstere. Em de cemaatımıznıñ, Rusiyeniñ qabul ettirgeni akimiyetini qabul etmeycegini köstere.

“Bilgeniñiz kibi şimdi Putinniñ ellerinde azat etmege tırışqanımız Melitopolnıñ başı İvan Fedorov bulunmaqtadır. Daa Zaporijjâ vilâyetinde Dniprorudnede şeeriniñ başı da esir etildi. Biz Qırmızı Haçnıñ missiyasına, BMTna muracaat etip bizim şeerlerniñ başlarımıznı azat etmelerini talap etemiz. Olar cenkleşmey, öz işini yapa ediler. işğalcilernen işdeşlikke dair arizanı yazmağa, video muracaatını çekmege tırışacaq er kes apishanede 15 sene oturacaqtır. Devlet fikirlerine riayet etkenlerni şan bekley, – olar, qaramnalar olaraq tarihımızğa qayd etilecektir”, – dep İrina Vereşçuk bildirdi.