Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk tüşüne ki, gumanitar koridorlarnı bozğan, qabaatlı olğan er kes cinaiy ceza almalı ve alacaq.

«Gumanitar yüknen maşnalardan ğayrı Mariupolğa qadınlarnı, balalarnı, hasta ve buña ihtiyac duyğan er kesni çıqarmağa azır olğan avtobuslar keteler, – dep añlattı. – Faqat, tek ateş bitirme rejiminiñ mecburiy kefaleti olğanda bu ola bilir. Bizim askerlerimzi bunı kefalet eteler, aynı zamanda Rusiye sırağa şeerge kirmege izin bermeyerek Mariupol civarını ateşke tutmağa devam ete».

Vitse-baş nazir, bunıñ tek qanun saasının degil, aynı zamanda ruhiyatnıñ tışına keçkenini ayttı. Müim bir noqta: sutunda Mariupol, Melitopol, Berdânsktan on beş papaz kete. Olar bu tahliye marşrutınıñ liderleri olmağa qabul ettiler.

Bunıñ yerinde, endi üç kündir olarğa şeerge kirmege izin bermeyler.

“Bütün pravoslav dünyasına muracaat etem! 20 millionsıñız. Yardım etmege istegen papazlarnıñ qurşunlanmasına izin bermeñiz!”- dep İrina Vereşçuk çağırdı.

«Bu tür areketler içün Halqara Ceza Makemesi seviyesinde mesüliyetke çekmeli, – dep Vitse-baş nazir qayd etti. – Halqara qaidelerni, Rusiye tarafından da imzalanğan Cenevre şartnamesini bozma cinayetleriniñ tüm faktarı kelecekte berilecek cezalarnıñ temeline qoyulacaqtır. Sımarışçı olaraq tek Putin degil, em mudafaa naziri Şoyğudan başlap adiy askerlerge bütün vastasız icracılar da cevapkâr olacaq»,- dep İrina Vereşçuk qayd etti.