«Şimdiki zaman» («Настоящее Время») telekanalınıñ canlı yayınında Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, gumanitar koridorlarnıñ şimdiki iş vaziyetini ve rus tecavuzcısınıñ şu anda atta eñ sade insaniyetlik meselelerinde köstergeni tsinizm ve varvarlıqnı añlattı.

Şimdi eñ çoq beklengen «Zaporijjâ – Mariupol» tahliye koridorınıñ çalışmamasından teessüf bildirdi. Endi dört kündir bloklanğan şeer içün gumanitar yükümiz Mariupoldan 84 kilometrlik uzaqlıqta turmaqta. Bu, Mariupol soqaqlarında ve bombalanğan dairelerde ölgen insanlar içün uzun zamandır beklengen sev, aş ve ilâçlar.

Ve kerçek faşizmniñ, ya da şimdiki adınen rusşizmniñ eñ igrenç misali, ruslar Mariupolda intensiv tedaviy hastahanesinde yaqındaki evlerden ve sağlıq hadimlerinden dört yüz vatandaş toplap, epsini reine alğanlarında kösterdiler.

“Tüşünem ki, dünya Rusiyeniñ böyle areketlerini qıymetlendirmeli ve onı tecavuzcı bir devlet olaraq tanımalı, çünki olar insanlarnı canlı qalqanlar olaraq qullanalar. Er saba Mariupolğa koridornı muzakere etkenimizde olar er vaqıt altalar ki, şeerde neonatsizm gruppalaşmaları quturalar… Öyle körüne ki, usul kitapları ya da andaki mevzuları 2014 senesinden deñişmedi. Milletçi gruppalarınıñ olmağanı, tek USQ askerleriniñ olğanı añlatmalarımızğa qarşılıq köstermeyler. Ve aynı “Azov” da Ukraina Silâlı Quvetlerniñ parçasıdır. Bu insanşar tamamınen patologik hayalda yaşaylar. Ve dünyadaki er kes bunı bilmeli”, – dep İrina Vereşçuk, Mariupoldaki gumanitar koridorlarnıñ teşkil etilmesinde meselelerniñ çezmesi sırasında akim olğan müitni ifade etti.

Reintegratsiya nazirliginiñ reberiniñ sözlerine köre, bu eki kün içinde Mariupoldan şahsiy maşnalar vastasınen umumen 20 biñ insan ketti. Amma bu şeerde öz şahsiy naqliyatına saip olmağan çoq vatandaşımız yaşay. Ve bunıñ içün olarnı qurtarmağa azır olğan ve işağlcilerden bür qaç kündir öz missiyasını yapmaq ruhsetini beklegen avtobuslarnen merkezlerştirilgen konvoydan ğayrı, bunı kimse yapalmay.

“Rusiye bu yolnı amelen blokladı, Manğuştan Berdânsk boyunca Mariupolğa ketken yolnı er vaqıt ateşke tuta ve minalaştıra. Anda esrlikte em de yabancılar, misal olaraq türkler bar. Yarın türk diplomatiyasınıñ reberi Çavuşoğlu Kremlnen laf etecekte Mariupolda bulunğan öz 100den ziyade vatandaşınıñ yardım bağırığını eşitmesini pek isteyim. Ve bu vaziyet deyerlik eki afta süre ve acele tarzda çezmeli”, – dep nazir hulâsa çıqardı.