2021 s. noyabr ayınıñ 18-inde Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuknıñ nezareti altında Minağa qarşı faaliyet saasında içtimaiy-gumanitar merkezniñ teşkil etilimesine dair muşavere oldı.

Muşaverege Frenkistan, Şveytsariya, Kanada, Finlandiya, Slovakiya kibi yabancı elçiliklerniñ ve Ukrainadaki ABniñ vekilleri qoşuldılar. Bundan ğayrı, muşaverede em de «HALO TRAST», «Ukrainadaki minağa qarşı faaliyet şveytsar fondu» (FSD), Ukrainadaki qaçaqlar dan şurası (DRС), Gumanitar minasızlaştırma cenevre halqara merkezi (GICHD), Halqara Qırmızı Haç komiteti (ICRC), Ukrainadaki BMTnıñ Bala fondunıñ vekilligi (UNICEF), Ukrainadaki BMTnıñ inkişaf programması kibi halqara teşkilâtları iştiraş ettiler.

Merkezniñ esas vazifesi, minağa qarşı faaliyetniñ içtimaiy-gumanitar tarafınıñ koordinatsiyası, bu cümleden em de mina telükesi aqqında malümat treningleriniñ keçirilmesi, patlayıcı şeyler sebebinden zarar körgenlerge yardım ve topraqlarnıñ tamğalanmasıdır.

İrina Vereşçuk, içtimaiy-gumanitar tarafnıñ ne qadar müim olğanını qayd etti.

«Bizim eki esas vazifemiz bar. Birinciden, minalar sebebinde zarar körgenlerge yardım etmek. Ekincisi de insanlar, hususan balalar, sıñırda özüni minalarnen patlatmamsı içün malümat bermek ve ögtermek» – dep Vitse-vaş nazir bildirdi.

Daa İrina Vereşçuk, yañı Merkezniñ, halqara ortaqlarnıñ yardımına ümüt etkenini qoştı, ve profil halqara teşkilâtlarını Merkezniñ işinde iştiraş etmege çağırttı.