Nazirlikniñ taqımı, devlet içinde alınğan kişilerge meskün bergen müessiselerniñ reberlerini eñ çabik tarzda mevcut olğan meseleler aqqında haber bermege çağırdı. Birinciden insanlarnıñ yaşağanları binalarnı isitüv ve qıdıruvnen bağlı meseleler aqqında. Qış mevsiminde yaşamaları içün meskünlerni vaqtında azırlamaq kerek.

Keçenlerdeki canlı yayınlardan birinde vitse baş nazir İrına Vereşçuk bunı añlattı. Onıñ sözlerine köre, yardımğa onlarca muracaat endi yollandı.

“Biz devlet içinde alınğan kişiler içün yataqhanelerniñ tamam reberlerine hitap ettik. Şimdi bu yataqhanelerniñ çoqusı mekteplerniñ binaları, sanatoriyler, raatlıq bazaları ola. Olarnı eñ çabik tarzda öz başına al etmegenleri meselelerni tesbit etip qıymetlendirmege çağıramız. Ve bizge hitap etmege çağıramız. Qolay ve çabik tarzda – yani nazirlikte – al etile bilgen meseleler bar. İnsanlarğa ise bu, qış mevsimini qolayca keçirmege yardım etecek. Misal içün, elektrik generatorlarnı almaq, binalarnı qıdıruv aletlerinen abadanlaştırmaq v.b. Bunıñ içün Reintegratsiya nazirligine ya yazıñız ya da telefon etiñiz: (096) 058-83-76. Bilgileriñizni, meseleleriñizni ve olarnı çezmek içün eşyalarnıñ sayısını açıq aydın tarzda añlatıñız”, – dep memur çağırdı.