Vitse bazş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bugün içün tahliye yönelişlerini belgiledi:

Donetsk vilâyeti

Mariupol – Zaporijjâ.

«Bu marşrutnıñ tasdıqlanması içün muracaat ettik ve Mariupoldan insanlarnı toplamaq içün avtobuslarnı Zaporijjâdan Berdânskqa yollamağa planlaştıramız, – dep İrina Vereşçuk daa doğru malümat berdi. – Daa şahsiy maşnalarğa benzin qoymaq içün marşrutqa avtotsisternasını yollaycaqmız».

Kıyıv vilâyeti

Borodânka – Jıtomır;

Şevçenkovo – Brovarı.

«Bu marşrutlar vastasınen Ğostomel, Buça, Semıpolkı, Markivtsi, Opanasiv meskün yerlerine daa gumanitar yardımnı – azıq ve ilâçlarnı – ketirmege planlaştıramız», – dep Vitse baş nazir qoştı. 

Harkiv vilâyeti

Harkiv – Vovçansk.

«Gumanitar yardımnıñ qırşavlanğan ve bloklanğan şeerlerge ketirilmesi içün marşrutlarnı inkişaf etmege devam etmektemiz. Daa reine alınğan grajdan sakinlerni azat etme ğayretlerimizni quvetleştiremiz. Hususan, Dniprorudne şeeriniñ başı Yevgen Matveyevni, Melitopol rayon şurasınıñ balı Sergiy Pruymanı, İvankove şeeriniñ başı Tetâna Svırıdenkonı, Şçastâ şeer arbiy-grajdan memuriyetiniñ başı Volodımır Türinni, Skadvsk şeer şurasınıñ kâtibi Yuriy Palühnı, em de taraflar ve Qırmızı Haç tarafından tasdıqlanğan gumanitar koridorda qayd etilgen qurtarıcı Oleksiy Dançenkonı».

İrina Vereşçuk, bugünden başlap 1949 s. avgust ayınıñ 12-sindeki “Arbiy esirlernen tutma aqqında” Cenevre şartnamesine mücibi Milliy malümat bürosınıñ teşkil etilgenini haberdar etti.

Bildirildi ki, Reintegratsiya nazirliginiñ idaresi astında olğan “Ukrain milliy barışıq inkişaf merkezi” devlet müessisesi, halq ögünde uquqnıñ uquqiy şahısı olacaq ve Milliy malümat bürosınıñ vazifelerini yapacaq.

«Tışqı işler nazirligi vastasınen Qırmızı Haçnıñ Halqara eyyetini, bu büronı teşkil etkenimiz aqqında haberdar ettik – oğullarını ve kızlarını esirlikten evşne beklegen insanlar ve qorantalar içün işimizniñ semereli ve neticeli olacağından ümüt etemiz,” – dep Vitse baş nazir hulâsa çıqardı.