İsrail radiosınıñ canlı yayınında Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, ukrain şeeriniñ faciasını añlattı. “Bu patologik mısqıldır!”, – o dep añlattı.

Çünki rus tarafınıñ büyik avtobuslarğa ve yük maşnalarına yol bermege red etkeni sebebinden endi üç aftadır şeerine gumanitar koridornıñ işi imkânsız alına keldi.

«Mariupoldan insanlar tek öz maşnalarınen ya da yürüyerek kete bilirler, – memur dep añlattı, – Öz naqliyesinen yol çıqamaq, benzin eksikligi sebebinen qarmaşıqtır. İnsanlar esasen öz başlarına Berdânskqa 80 kilometre aşalar. Anda avtobuslar, benzin maşnası olarnı bekley. İnsanlarnı qurtarmağa tırışamız».

Vitse baş nazir, şimdi Mariupolda gumanitar felâketniñ başlanğanına aktsent yaptı.

«Qurtara bilgen insanlarnıñ çekkeni foto ve vidolardaki körgenimiz er şey aqiqiy bir genotsiddir, – o dep ayttı. – Üç aftadır şeerde suz, elektrik, sıcaqlıq, azıq, ilâç yoqtur. Ruslar, insanlarnı mağazlarğa kirsetip, olarnı reine aldılar ve tıştan olarğa gumanitar yükni bermege izin bermeyler. Bu, bütün cinaiy neticelernen beraber uyğun halqara uquqiy qıymetlendirmeniñ yapılacağı bir genotsiddir».