Bugün «GB news» britaniya telekanalınıñ canlı yayınında Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk eñ aktual suallerge cevap berdi.

Hususan, Ukraina ve rusiye arasında barışıq aytışmalarnıñ vaziyetini tefsir eterek nazir qayd etti ki, şu anda ateş bitirme rejiminen ve rfnıñ silâlı şekillendirmeleriniñ topraqlarımızdan çıqarılmasınen bağlı mesele şiddetlidir.

Ukrainanıñ tarafsız statusı qazanma ihtimallılığı aqqında laf olsa, İrina Vereşçuk, bu statusqa senelerdir saip olğanımıznı, faqat bunıñ bizni putinniñ tecavuzından qorçalamağa yardımcı olmağanını hatırlattı.

“Bunıñ içün, kelecekte telükesizligimizni kefalet etecek yañı bir telükesizlik añlaşmasınıñ imzalanmasını talap etemiz. Buña “tarafsız status” dense, öyle olsun, yahşı, amma devletimizni bu tür telükelerden tamamınen qorusın”, –  Vitse baş nazir dep ukrain nazar noqtasını tefsir etti.

Putinniñ, Qırım Rusiye üzerindeki akimiyetini tanıma kontekstindeki aytışmalar ihtimallılığı aqqında Reintegratsiya nazirliginiñ reberi, bunın asla olmaycağını söyledi. Ukraina, 2014 senesi olğanı kibi Qırımdaki rfnıñ akimiyetini tanımayacaq.

“Ukrain halqı buna izin bermeycektir. Topraqlarımıznıñ bütünligi ve bölünmemezligi adına pek çoq qurban etildi ve çoq qan töküldi“, – spiker dep inandırdı.

Böyle degen “DHC” ve “LHC”nı tanıma ihtimallılığı aqqında o, Ukrainanıñ iç bir “cumhuriyeti” olmağanını, faqat RİEDLV olğanını qayd etti. Bölge referendumını muzakere etsek, Konstitutsiyamızğa mücibi tek umumiy ukrain plebistsiti aqqında laf ete bilemiz. Ve eger “cumhuriyet” mevzusı yerli referendumlarına ketirilse, bunıñ qanun tışı olacağı bes-bellidir.

Ukrainalılar tözeceklermi, Kıyıv saqlanacaqmı? Bu, bugün tün Ğarp dünyasını raatsızlay. İrina Vereşçuk bunı qayd etti: USQne işanamız, amma Ukrainanıñ yardımğa ihtiyacı bar.

“Destegiñizge işanamız. Britaniya halqı ve devletine. Britaniya bergi ödeyicileriniñ, Ukrainağa yardım etmeleri içün, masraf etkenleri er bir funt içün teşekkür bildiremiz. Şu anda AQM aletlerine büyük ihtiyaımız bar, çünki putin bizni acımasızca avadan bombardıman ete, pek çoq tınç yaşağannıñ: balalar, qadınlarnıñ ayatlarını ğayıp etemiz… Ve qorçalama imkânımız yoq. Qarada ordumız imkânsıznı yapa, amma avada qorunmağa ihtiyacımız bar. Ve eger öyle olsa, putinniñ Kıyıvnı alsa zapt etmeycegini eminliknen ayta bilirim“, – Vereşçuk dep britaniya jurnalistiniñ sualine cevap berdi.

İrina Vereşçuk daa qayd etti ki, ukrain hafiyeligi rusiyeniñ himiyeviy silâ qullanma potentsiyalı telükesi aqqınsa haberdar ete: «rf, Ğarpnı qabaatlamaq içün, mifik “biolaboratoriyalar” vastasınen qorqunç bir provokatsiyağa azırlana. Amma amerikalılar ya da britaniyalılarnen beraber yapqanımız er şey resmiy ve halq ögündedir. Faqat rusiya himiyeviy silânı qullanmağa istey ve şimdi halqımız böyle bir ücüm alında ne yapacağımı ögrene».