Lugansk vilâyetine iş ziyareti vaqtında Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ Reintegratsiya ve gumanitar minasızlaştıruv direktoratınıñ hadimleri «Stanıtsâ Luganska» kiriş-çıqış yoqlav keçitini ziyaret ettiler.

Nazirlikniñ vekilleri, sıñırdan keçken vatandaşlar içün minalar ve patlayıcı şeyler telükesi aqqında malümat berdiler.

Ukrainler, mina ve başqa patlayıcı şeyler telükelerini ve olarnen özüni tutuv qaidelerini ögrendiler. Malümat-maarifçiliq tedbirleri, Nazirlik tarafından azırlanğan mevzulı material, bu cümleden KÇYKlerine berilgen ve anda yerleştirilgen oquv qullanmaları ve eñ tarqatılğan patlayıcı şeyler 3-D resimlerinen «Minalar ve patlayıcı şeyler» stendleri qullanılaraq keçirildi.

Kelecekte olarnı «Reintegratsiya ve ğayrıdan tiklev» devlet müessisesiniñ ve Devlet sıñır hızmetiniñ hadimleri malümat bermek içün qullanacaqlar.

Daa Nazirlikniñ vekilleri balalarğa komiks şeklindeki «Mina telükesizligi işletilme qaidelerisiz olmay» oquv qullanma-kitaplarını ve «Mina telükesizligi» resimlernen yaraştırıcılarını berdiler. Olar da Nazirlik tarafından azırlandı.

Haberdar etemiz ki, eger patlayıcı şeylernen bağlı alğa oğrasañız, özüni tutuv esas qaidelerine riayet etmelisiñiz:

1. Bilinmegen ve şübeli şeylerge asla toqunmayıñız.

2. 100 – 300 metrge çetke çekiliñiz.

3. 101, 102, 112 nomeralı mahsus hızmetke telefon etiñiz.

2021 s. oktâbrdan noyabrğa qadar Kıyıv, Dnipro, Odessa, Harkiv ve İlbav şeerleriniñ demiryol stantsiyalarında «Mina telükesi aqqında malümat berüv» video filmçiginiñ yayınlanğanını hatırlatamız.