Mart ayınıñ 16-sında Vitse baş nazir İrina Vereşçuknıñ reberi olğan Arbiy esirlernen tutma meseleleri koordinatsiya ştabı çalışmağa başladı. THHniñ mahsus mühbiri Stanislav Yasınskıyğa intervyü bergende bu organnıñ ne içün kerek olğanını añlattı.

«Esirlernen tutma ştabı er saat, er bir daqiqa çalışmaqtadır. O, Adliye nazirliginiñ, UTHniñ, Baş prokuraturanıñ, Mudafaa nazirliginiñ ve başqa müessiselerniñ vekillerinden – arbiy esirlik saasında çalışqan er kesten ibaret ola. Er kesniñ öz sicilleri bar. Bütün malümat pek keniş – bunıñ içün er şeyni bir organğa birleştirmek qararı berildi», – Vereşçuk dep qayd etti.

Esirler aqqında mevcut malümatnıñ tertipke ketirilmesiniñ şimdi ukrain akimiyeti içün esas vazifelerden biri olğanını ayttı.

«Malümatnıñ bar olması, faqat pek keniş olması sebebinen qarşılaştıq. Er kes öz saasında malümat toplay, umumiyleştirilgen malümat yoqtur. Yani insan malümat ya bermek ya da almaq içün tek bir nomerağa telefon etip olmay. Böylece şimdi tüm arbir esirlerniñ, tutulğan grajdanlarnıñ sicillerini teşkil etemiz», – İrina Vereşçuk dep añlattı.

Böylece, tamam bunıñ içün Ştab, em ukrai, em de duşman taraflarınıñ arbir esirleri ve tutulğan grajdanlarınıñ sicillerini toplaycaq ve mezkür mevzularnıñ başlanğıç noqtası olacaq tek müessise olacaq Milliy malümat bürosını teşkil etmege qarar berdi.