Ukrainanıñ vaqtınca işğal etilgen topraqlarınıñ reintegratsiya meseleleri nazirligi, «Reintegratsiya ve ğayrıdan tiklev» devlet müessisesiniñ balansına Qırım Muhtar Cumhuriyetiniñ memuriy sıñırında yerleşken «Qalançaq» kiriş-çıqış yoqlav keçitini alacaq. Bu ceryan 2021 senesiniñ soñuna qadar bitirilmelidir.

Şimdi «Qalançaq» KÇYKnde Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Verşçuknıñ avalesinen teşkil etilgen ortaq eyyeti çalışmağa başladı. Bu eyyet REintegratsiya nazirliginiñ, Herson vilâyeti devlet idaresiniñ ve «Ukrzaliznıtsâ» («Укрзалізниця») aktsiyalı şirketiniñ vekillerinden ibaret ola. Olarnıñ işiniñ maqsadı, mevcut olğan köçmez mülkni taqriz etmek ve «Qalançaq» KÇYKniñ Reintegratsiya nazirliginiñ idaresi altına keçilmesi içün vesaqalarnıñ azırlanmasını temin etmektir.

Punktnıñ berilüvi ceryanı 2021 senesiniñ soñuna qadar bitirilmelidir. İrina Vereşçuk, Herson vilâyetine iş ziyereti vaqtında böyle planlarnı qayd etti. Bundan ğayrı, Vite-baş nazirniñ söylegenine köre, kelecek sene vatandaşlar em «Qalançaq», em de Reintegratsiya nazirliginiñ idaresi altında olğan «Çongar» KÇYKlerine muntazam avtobuslarnen kete bilecekler.