Şimdi farqlı işğalciler kategoriyaları, ukrain ordusı tarafından esir alınmaqtadır, dep Ukraina Vitse baş naziri İrina Vereşçuk “Şimdiki zaman” («Настоящее время») kalaınıñ canlı yayınında añlattı.

 «Olarnıñ arasında pek çoq müddet askeri, zabit, hususan arbiy qısımlarnıñ komandanı ve uçucı bar, – dep taa tafsilâtlı ayttı. – Amma eñ çoq yaş oğul – 2002-2003 ss. doğğan bala bar».

İrina Vereşçuk ayta ki, Rusiye olarnıñ aqqına añlatmamıznı ve olarnıñ “qaramanlıqları”nı köstermemizni istemey. Bunıñ içün er vaqıt Qırmızı Haçnıñ Halqara Eyyetine sikâyet ete ve ukrain askerleriniñ bu balalarnen intervyü yapmamalarını talap ete.

«Faqat dünya, rusiyeniñ kimlerni cenkke yollağanını, bedenlerinen ukrain topraqlarını toldurmağa tırışqanı körmeli. Bunı sözü-sözüne añlamaq kerek, çünki rus tarafınıñ red etmesi sebebinden, öldürilgen rus askeriniñ bedenlerini, qalıntını teslim etemedik. Epsi şimdi Ukrainanıñ farqlı bölgelerindeki demir yol buzdolaplarındadır. Rus akimiyeti bunı qabul etet-etmez olarnı vatanlarına keri yollamağa azırmız», – Vitse baş nazir dep hulâsa çıqardı.