Esirlikten azat etilgenler aralarında işğalcilerniñ Mariupoldaki Azovstada, Harkiv ve Donetsk vilâyetlerinde, Kıyiv vilâyetiniñ Buça şeerinde, Zmiyinıy adasında ve Çernobil AESda tutkanları kişiler de bar, dep Arbiy esirlernen tutuv meseleleri koordinatsiya ştabı haber berdi.

Deñişme Prezident Ofisi, İstihbarat Baş İdaresi, Ukraina Mudafaa Nazirligi ve Ukraina Telükesizlik Hızmetiniñ yardımınen keçirildi.

Bu kere Ukraina Silâlı Quvetleri, Arbiy-deñiz quvetleri, Devlet sıñır hızmeti, Topraq mudafaası, Milliy gvardiyanıñ askerleri ve grajdanlar evlerine muvafaqiyetnen qaytarıldı.

Deñişme neticesinde ana topağına askerler ve zabitler, matrsolar ve tibbiyetçiler qayttılar. Azat etilgenlerniñ eñ kiçikniñ tek 19 yaşı bar, eñ qartınıñ ise 56 yaşı bar.

Ükümetniñ qaraına mücibi, Milliy Malümat Bürosı azat etilgen mudafaacılarnı içtimaiy qorçalamanen teminat ilk tedbirlerini koordinatsiya ete.

Bu tek yaqınlarınen toplaşuvlar ve acele alâqa degil. Bu da ilk kerekli eşyalarnen teminat, vesiqalarnı ve bank kartlarını yañıdan vesiqalaştırmağa yardım, tibbiy baquv, kefaletli uquqiy yardım ve başqa çoq şeydir. Milliy Malümat Bürosınıñ koordinatsiyası yardımınen muayyen cevapkâr müessiseler bunı yapalar.

Yaqın kelecekte esirlikten azat etilgenler reabilitatsiya, adaptatsiya ve tedviylev kursını keçecekler.

Kelecek deñişmeler üzerinde iş devam ete. Ukraina, bütün mudafaacılarını qaytarmaq, doğru şekilde olarnı rastkelmek, destek etmek ve sığlıqlarını tüzetmek içün er şey yapa