2021 s. dekabr ayınıñ 10-unda Kıyıv şeerinde reintegratsiya kurslarınıñ diñleyicileri içün “Kelecegümüzmü saylaymız” forumı keçti.

Forum, Ukrainada qaçaqlarnen bağlı meseleler Yuqarı Komissar İdaresiniñ Vekilligi ve “Liderlik ukrain akademiyası” cemaat teşkilâtı yardımınen Ukrainanıñ vaqtınca işğal etilgen topraqlarınıñ reintegratsiya meseleleri nazirligi tarafından teşkil etildi.

Forumnıñ esas maqsadı, Ukrainanıñ vaqtınca işğal etilgen topraqlarından yaşlarnı ve Ukrainanıñ azat topraqlarında alına bilgen imkânlarnıñ sıñır sızığını taqdim etmek, olarnıñ liderlik potentsialını faalleştirmek, em de qunuşması ve yaşlarnıñ reintegratsiyasına yönelgen tevsiyelerni baqması içün olarnıñ kelecek yerine ketirilmesi maqsadınen kommunikatif platformasını yaratmaqtır.

Tedbirni Ukrainanıñ vaqtınca işğal etilgen topraqlarınıñ reintegratsiya meseleleri naziriniñ muavini İnna Dragançuk ve Ukrainada qaçaqlarnen bağlı meseleler BMT Yuqarı Komissar İdaresiniñ Vekiliniñ muavini Mahir Safarli açtı.

“Devletniñ er angi siyaseti mücerret degil, muayyen maqsattır. Ve bu tek bir maqsat, tek siznen bizim ortaq kelecegimizni köremiz. Bizim coğrafiy doğğan yerimiz müim olmay. Müim olğan tek şey, birliktemiz ve beraber olğanımızda küçlümiz. Ukrainadaki universitetlerde alğanıñız bilgiler, birinciden ukrain cemiyetiniñ kelecegi, er birimiz içün müimdir”, – İnna Dragançuk dep bildirdi.

Böylece, iştirakçiler içün yaşlar liderligi lektsiyaları alıp barıldı, VİETdan yaşlarğa yardım etken göñülli teşebbüsleri, Ukrainanıñ azat topraqlarında öz-özüniñ bilgisini arttıruv ve kerçekleştirüv imkânları añlatıldı.

Balalar, ukrain Yüksek tasil yurtlarını bitirgen soñ Ukrainanıñ azat topraqlarında yaşamağa qalğan ve muvafaqiyetli karyera yapa bilgen DAK arasında yaşlarnıñ muvafaqiyet ikâyelerini diñlep oldılar.

Bundan ğayrı, iştirakçiler içün gruppa işleri azırlandı ve onıñ neticesinde balalar, VİETdan yaşlarnıñ qaysı meseleleri bar, kelecek abituriyentlerni nasıl birleştirmek mümkün ve VİETdan yaşlar içün ulaşuv “köprüni” qaysı devletler qurdı suallerine muayyen cevaplarnı berdiler.

2021 s. Reintegratsiya nazirliginiñ, Donetsk ve Lugansk vilâyetleriniñ ve Qırım Muhtar Cumhuriyetiniñ vaqtınca işğal etilgen topraqlarında ve toquşuv sızığında yaşağan ve şimdiki oquv senesinde umumiy tolu orta tasil alğan yaşlar içün yüksek tasil devlet yurtlarına kirüv azırlavına dair bedava kurslarda (bölüklerde) tasil almasınıñ azırlanuvı, temin etilüvi ve keçirilüvi programmasını azırlağanını hatırlatamız.

Azırlıq kursları, 15 Yüksek tasil yurtu esasında teşkil etildi. Umumen, azırlıq kurslarına 199 kişi qoşuldı.

Yaşlar içün azırlıq kurslarındaki oquv 2021 s. iyün ayınıñ 29-ından avgsut ayınıñ 31-ine qadar devam etti. Azırlıq kursları devamında diñleyiciler 4588,0 grivnalıq stipendiyanı ala, psihologik, medeniy-tasil ve sport tedbirlerine qatıla ediler, olarğa yataqhane de berildi.