Bugün, 2021 s. dekabr ayınıñ 13-ünde Lugansk vilâyetine iş ziyareti vaqtında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, bu bölgedeki kiçik ve orta biznesniñ vekillerinen körüşti.

Böylece, körüşüv vaqtında Ukraina Yuqarı Şurasında endi qayd etilgen «Donetsk ve Lugansk vilâyetleriniñ prioritetli iqtisadiy inkişaf toprağında iqtisadiy faaliyet mahsus rejiminiñ tatbiq etilmesi aqqında» qanunnıñ leyhası taqdim etildi.

İrina Vereşçuknıñ sözlerine köre, bu qanun birinciden Lugansk ve Donetsk vilâyetindeki kiçik ve orta biznes ve bölgeniñ iqtisadiyatını ğayrıdan tiklenmesi içün azırlandı.

Bu qanun leyhasınıñ qabul etilmesiniñ maqsadı ve vazifeleri, Donetsk ve Lugansk vilâyetleriniñ prioritetli iqtisadiy inkişaf toprağında iqtisadiy faaliyetniñ mahsus uquq rejimini kersitmek ve elverişli yatırım iklimini yaratmatır. inkişafnıñ yañartuv modeli esasında vatan ve ecnebiy yatırım resurslarını celp etip bölgeniñ zemaneviy iqtisadiyatını tikleyerek Ukrainağa qarşı RF silâlı tecavuzı neticesinde olğan elverişsiz içtimaiy-iqtisadiy şaraitniñ aşılması da olarnıñ arasındadır. Bundan ğayrı, territorial cemiyetlerniñ turğun inkişafını, iqtisadiy faakliyetniñ stimul etilüvini, zemaneviy bazar istisal ve naqliyat astyapısınıñ yaratıluvını, bölgelerara içtimaiy-iqtisadiy bağ ve işbirlikniñ sağlamlaştıruvını, bölgeniñ avropa ve dünya iqtisadiy sistemalarına integratsiyasını, yañı iş yerleriniñ yaratıluvını temin etecek.