Ukrainanıñ vaqtınca işğal etilgen topraqlarınıñ reintegratsiya meseleleri nazirligi, şimdi apishanede olğan ve Rusiye Federatsiyası tarafından qanunsız olaraq azatlıqtan marum etilgen 43 ukrain vatandaşınıñ qoratalarına 4,3 mln grivna ödedi.

RF tarafından azatlıqtan marum etilgen siyasiy mabuslar, insaniyetsiz ve menlikni aşalağan muamelege oğraylar ve aqlı makeme davasınıñ baqıluvından marum oldılar. Olarnıñ qorantaları uquqiy yardım içün 100 biñ grivnalıq ödevler aldılar. Bu para yardımı, qanunsız olaraq azatlıqtan marum etilgen ukrainlerniñ aqlarını qorçalağan advokatnı tutmağa imkân berecek.

Bu yardımnıñ ödenmesine dair qarar, Ukrainağa qarşı silâlı tecavuz neticesinde azatlıqtan marum etilgen insanlarnıñ tanınması ve içtimaiy qorçalamalarına yönelişli tedbirlerniñ yerine ketirmesinen bağlı meseleler üzerinde İdarelerarası eyyet tarafından 2021 s. dekabr ayınıñ 2-sindeki oturışta berildi.

Qoşmağa isteymiz ki, ödevlerniñ ayırılması qararı, RFnıñ tecavuzcı bir devlet olaraq ukrain vatandaşlarınıñ aqlarını bozma cevapkârlığını halq ögünde tesbit etilmesi  ve insan aqqına dair Avropa makemesi seviyesinde olarnıñ ilerideki yañıdan tiklenmesi içün ilâve bir alet oldı.

2020 s. sentâbr ayında Reintegratsiya nazirliginiñ, Ukrainağa qarşı silâlı tecavuz neticesinde azatlıqtan marum etilgen insanlarnıñ tanınması ve içtimaiy qorçalamalarına yönelişli tedbirlerniñ yerine ketirmesinen bağlı meseleler üzerinde İdarelerarası eyyetniñ işlemesini yañıdan başlatqanını hatırlatamız