Bugün «1+1»nıñ canlı yayınında Ukraina Vitse baş naziri İrina Vereşçuk bunı añlattı.

«İşğalciniñ vekillerinen gumanitar koridorlar ve insanlarımıznıñ qaytarılması aqqında aytışmalar er vaqıt keçiremiz, amma bu tebdirlerniñ aldını alamaymız ve olar er vaqıt muvafaqiyetli olmay, – dep haberdar etti. – Rus tarafınıñ bütün añlaşmaları ve ruhsetlerinden soñ gumanitar yük sutunlarını ya da tahliye koridorlarını ateşke tutmağa qarar bergen kişiler bulunmaqta. Aynı zamanda yasaq etilgen areketler yapqanlarını pek yahşı bileler».

Ukraina, rus tarafına halqara arbiy ve gumanitar aqqa riayet etmesini er vaqıt hatırlata. Añlaşmalarnıñ yerine ketirilme ve bozulma ceryanı er kün qayd etilmekte, em de er aqşam bozma sicili teşkil etilmektedir. Anda – bütün ateşler, bombardıman, gumanitar konvoylarğa ve yüklerge ücümler, insanlarnıñ tutulıp esir etilme vaqiaları bar. Bu esabat Birleşken Milletler Teşkilâtına ve Qırmızı Haçnıñ Halqara Eyyetine yollanmaqta, dep İrina Vereşçuk hatırlattı.

«Halqara gumanitar aqnen çalışqan nazir olaraq özüm makemede şaatlıq etmege azırım. Cenk bitecek vaqıt arbiy cinayetler içün er şey tek başlaycaq», – dep Ukraina Vitse baş naziri duşmannı ihtar etti.