İrina Vereşçuk avropa ortaqlarına muracaat etti: özüñizni ve bizni cenk ve özek telükesinden saqlañız – Ukrainanı destekleñiz ve özek obyektleri üzreinde avanı qapatıñız.

Avropadaki devletler, bloklanğan amma qaraman Mariupolnıñ eki aftadan ziyade vaqıt neler yaşağanını duya bilir. Frenk LCI kanalına intervyü bergende Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bunı añlattı. Laf, şeerlerniñ işğalciler tarafından birinciden, avadan: raket ve bomba ücümleri vastasınen yoq etilmesi aqqındadır.

“Şimdi Ukrainağa kerekli tarzda yardım etmegeniñizni añlamaq kereksiñiz”, – İrina Vereşçuk dep avopa dünyasına muracaat etti.

Vitse baş nazir, şimdi Avropada özek telükesizligi de umumen telükesizlikniñ kefalet etilmegenini qayd etti. Çünki er kes tecavuzcınıñ tüşüncesizligini ve areketleriniñ evelden bilinsizligini köre.

Böylece, halqara cemaatnıñ yapa bilgen azğar – Prezident Volodımır Zelenskiyniñ de aytqanı – bütün dünya içün kerçek telükeniñ aldını almaq maqsadınen Ukrainadaki özek obyektleri üzreinde uçuşsız zonanı temin etmektir. Daa saqlanmaq ve cenkleşmek içün Ukrainağa kerekli tehnikiy imkânlarnı bermektir, dep İrina Vereşçuk qayd etti.