«1+1» telekanalındaki umumiy devlet malümat marafonınıñ canlı yayınında Ukraina Vitse baş naziri İrina Vereşçuk, işğalcilerniñ qırşavlağanı Mariupolnen facialı vaziyetni añlattı. Şeer toqtamağan ateşler astında, insanlar aftalarca sığanaqlardan çıqmaylar. Aynı zamanda şeerde azıq mahsulatı, ilk ayat kerekligi eşyaları, suv, ilâçlar eksikligi bar. Gaz, elektrik ve qızdıruv teminatı yoq. Mariupolda tınç yaşağan sakinler arasında endi pek çoq ölgen bar.

Hatırlatamız, bugün ukrain akimiyeti tamam mariupollılarnıñ tahliyesine ve destegine diqqat ayırdı – bu maqsatnen 5 gumanitar koridor kelişilip açıldı.

Amma İrina Vereşçuk haberdar etkeni kibi, böyle degen DHCniñ küreşçileri Manğuş rayonında bugünki gumanitar koridornı bloklaylar. FVDHniñ vekilleriniñ bulunğanları avtobuslar sutunını tutıp esir ettiler.

«Bu tasdıqlanğan birkoridor, biz Qırmızı Haçnen ve rus tarafınen onı keliştik, – dep Vitse baş nazir qayd etti. – Faqat, insanlar tutıp esir ettiler ve azat etip etmeycegi belli omlay, tehnikasını almağa qorqıtalar. Şimdi bütün quvetlerimizni qullanaraq olarnı qurtarmağa tırışamız».

Böylece, Mariupol yönelişinde eksiksiz gumanitar koridor yoqtur. İnsanlar tek ya öz naqliyatınen ya da yürüyerek tahliye ete bileler. Bu ise avtobuslarımıznıñ eñ yaqın bulunğanı yerine 10, 20 ya daa çoq kilometrdir, dep o daa tafsilâtlıca añlattı.

İrina Vereşçuknıñ sözlerine köre, avadan ücüm vaqtında Mariupol drama teatrinde bulunğan insanlarnıñ taqdiri alâ daa belli olmay.

«Detallerni ögrenmek içün o yerge irişmege tırışqanlar er vaqıt ateşke tutula, – dep o añlattı. – Amma bazı insanlarnıñ öz başına qurtara bilgenleri malümatına saipmiz. Felâketniñ masştabını şu anda qıymetlendirmek pek zor».

O qayd etti: putinniñ tecavuzcılarınıñ yapqanları kerçek canavarlıqtır.

«Bütün dünyanıñ, özüne barıştırıcılar degenlerniñ sözleriniñ degerini belmesini isteyim!» – dep Vitse baş nazir hulâsa çıqardı.