Rusiye, Ukrainanıñ bazı rus yanlısı bölgelerindeki cemaatnıñ şiddetli tirenmesinen qarşılaşmağa planlaştırmağan edi. Arbiy ücüm hızlığını ğayip etken ve yerli halqnıñ reddinen qarşılaşqan işğal küçleri, öz memuriyetlerini ve işbirlikçi akimiyetini şekillendirmek içün daa çoq tırışmağa başladı. Çalışmalarınıñ usul arsenalı iddiasız: vatandaşlarnıñ qortutılması, faallerge qarşı terror, yerli öz idare vekilleriniñ ve jurnalisterniñ tutulıp esir etilmesi.

«НВ» radiosına intervyü bergende Vitse baş nazir – Ukrainanıñ vaqtınca işğal etilgen topraqlarınıñ reintegartsiya meseleleri naziri İrina Vereşçuk, repressiyalarğa ve ateşlerge baqmadan bile barışıq numayışlarına çıqqan ve Herson, Melitopol, Berdânsk ve başqa şeerlerde işğalcige qarşılıq köstergen vatandaşlarımıznıñ cesürligini qayd etti.

Bazıda er şey canlı yayında ola, dünya körgenlerinden şokta qala: işğalciler silâsız insanlarğa ateşke tutalar.

Körünip tura ki, bundan soñ ruslar, vatandaşlarımızden destekke bile ümüt etmemeli.

Ruslarnıñ işğal etkeni topraqlarda böyle degen öz-özüni ilân etken akimiyetni ilân etmege tırışmalarına dair İrina Vereşçuk qayd etti ki, rusiya 30 kümüş içün oña hızmet etecek qurt adamlarını mında pek qolay tapacağını tüşünse edi, o pek yañlıştı. Bu tür ıntılmalar muvafaviqeytsizlikke makümdir.

«Böyle er bir qurt adamı içün işğalci ögünde tiz çökmegen 10 qaramanımız bar. İşğal akimiyetini destek etmegen cemaatnen duşman iç bir şey yapamaycaq! Ne Berdânskta, ne Melitopolda, ne Enerğodarda, ne de Hersonda yapa bilecek – dep İrina Vereşçuk hatırladı.

Soñunda memur tenbiledi: işğalcinen işbirligi yapma ıntılma olur olmaz, ukrain qanun qoruyıcıları deral cinaiy taqibat açılır ve tüm niyetler kesilir. Çünki Ukrainada işbirlikçilikniñ cevapkârlığı şimdi küçlendirildi: laf, yıllarca apiste oturma aqqındadır.