Vitse baş nazir – Ukrainanıñ vaqtınca işğal etilgen topraqlarınıñ reintegartsiya meseleleri naziri İrina Vereşçuk, Ükümetniñ Ukrainadaki er angi bir alıcığa gumanitar yardım keçişini qolaylaştırma qararını añlattı.

Ükümetniñ oturışında bir qarar tasdıqlandı. Oña köre, gumanitar yardımnı ketimek içün tek bir vesiqa, bu cümelden pek tez toldurulğan deklaratsiya kerek. Berici, alıcı, maşnadaki yükni boşatma yeri, yardım türü yazılır. Episi bu.

Eger bu, Ukraina devleti içün gumanitar yardım olsa, onı AGMne ya da profil nazirligine yollamaq mümkün. Eger nuayyen bir cemaat içün alıcısını yazıp bu yardımnıñ maqsatlanğanı kişige ketiriñiz.

Gumanitar yardım olaraq tanılğan eşyalarnıñ cedvelini da yoq etemiz. Demek ki, gumanitar yardım olaraq idda etkeniñiz tüm qanuniy eşyalarnı ketire bilesiñiz. Er angi bir sıñırlama yoq. Gumanitar yükni teslim etmek içün artıq AGMden ya da başqa akimiyet organlarından er angi bir malümatname kerekmey. Bu, teslimat vaqtını da qısqartacaqtır.

Gumanitar yükniñ Ukrainağa ruhsetsiz ketirilmesi mevzusında 14 avropa devletinen halqara añlaşmamız bar. Şu anda bu: Lehistan, Slovakiya, Avstriya, Macaristan, Romaniya, Almaniya, İtaliya, Litvaniya, Latviya, Estoniya, Sloveniya, Moldova, Çehiya ve Türkiyedir. Laf, ukrain taşıyıcılarınıñ, hususan bildirilgen ülkelerden halqara yük ketirmeleri içün izinlerniñ qaydiyeti ihtiyacından, er angi bir ilâve şartlardan boşatılması aqqındadır. ABniñ bir qaç devleti de ukrain taşıyıcılarını ülkeleriniñ yollarınıñ qullanımı içün ödeme yapmağa boşattı.

İnsanlarımıznıñ bütün devlet boyunca gumanitar yükni almaları içün er kün çalışqan biñlerce aydayıcığa, sarğılayıcığa ve göñüllige teşekkür bildiremiz!

Birlikte quvetlimiz!

Beraber ğalip çıqacaqmız!