Netice brifingi vaqtında Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, mart ayınıñ 24ünde keçirilgen esiler ve grajdanalrnıñ deñişmesiniñ detallerinen paylaştı ve rusiyeniñ tutup esir etkeni ukrain vatandaşlarınıñ isimlerini ayttı.
«Bugün arbiy esirlerimiz ve grajdanlarımmıznıñ deñişmesi kerçekleşti. Episi telükesizlikte ve kerekli yardım alalar. Zmiyınıy adasından vatandaşlarımıznıñ, em de sıñırcılarımız ve grajdanlarımıznıñ azat etilmeleri içün çalışmağa devam etemiz»,- dep İrina Vereşçuk qayd etti.
Daa onıñ sözlerine köre, rus federatsiyasına yerli öz idareniñ vekilleri olğan tutulğan 14 ukrain tınç vatandaşınıñ azat etilmesine dair muracaat yollandı.
Ukraina, grajdanlarnıñ tutulmasınıñ halqara gumanitar uquqnıñ bozulması olğanında israr ete ve garjdanlarnıñ deraş azat etilemsini talap ete.
Mında bu kişilerniñ cedveli:
- Tetâna Bezlüdna, Çernihiv vilâyetiniñ Andriyivka köyüniñ köy şurasınıñ mebusı;
- Dmıtro Vasılyev, Nova Kahovka şeer şurasınıñ kâtibi, Herson vilâyetindeki Nova Kahıvka şeeri;
- Volodımır Karaberov, гDonetsk vilâyetiniñ Mariupol rayonınıñ Manğuş territorial cemaatınıñ başı;
- Oleksiy Kartsan, Harkiv vilâyetiniñ Novğorod Siverskıy rayonınıñ Gremyaç köyüniñ büyügi;
- Viktor Marunâk, Herson vilâyetiniñ Skadovsk rayonınıñ Ğola Prıstan şeer şurasınıñ Starostın bölgesiniñ Starozburyivka VTCnıñ büyügi;
- Yevğen Matveyev, Zaporijjâ vilâyetiniñ Dniprorudne şeeriniñ meri;
- Oleskandr Musiyenko, Herson vilâyetiniñ Ğola Prıstan rayonınıñ Çulakiv VTCnıñ başı;
- Yuriy Palüh, Skadovsk şeer şurasınıñ kâtibi, Herson vilâyetiniñ Skadovsk şeeri;
- Oleksandr Ponomaröv, Ukraina halq mebusı, AİMP fraktsiyası, Berdânsk şeerinde ğayip oldı;
- Sergiy Prıyma, Melitopol rayon şurasınıñ başı, aporijjâ vilâyetiniñ Melitopol şeeri;
- İvan Samoydük, Enerğodar şeeriniñ başınıñ ilk muavini;
- Mıkola Sikalenko, Harkiv vilâyetiniñ Harkiv rayonınıñ Tsırkunka VTCnıñ başı;
- Volodımır Türin, Şçastâ şeer AGMniñ reberiniñ muavini, Donetsk vilâyetiniñ Şçastâ şeeri;
- Oleksandr Şapovalov, Herson vilâyetiniñ Berıslav şeeriniñ başı.
«Soñ könlerde işğalcilerniñ esirliginden qaçmağa becergen insanlardan çoq beyanat almaqtam,- dep İrina Vereşçuk añlattı.- Olar, işkenceniñ çoq qullanılmasını haberdar eteler. Halq ögünde qayd etmege isteyim ki, arbit cinayetler yapqan er bir işğalcini ve olarnıñ yardımcılarını tapacaqmız ve Gaaga ve başqa makemelerde eñ sert mesüliyetke çekecekmiz! Tüm rus askerleri bilmeli: yapqanıñız cinayetler içün mesüliyetten qaçınmağa izin bermeycekmiz! Qanunlarnıñ tüm ciddiyetinen – yerli ve halqara. Soyadlarıñıznı bilmegenimizni sanmañız», – dep Vitse baş nazir qayd etti.