Ukrainanıñ vaqtınca işğal etilgen topraqlarınıñ reintegratsiya meseleleri nazirligi, Ukraina Ükümeti ve Danimarka qırallığı Ükümeti arasında çerçive añlaşmasına binaen, Ukrainadaki Danida Business Finance programması çerçivesinde paranen temin etilecek eki astyapı leyhasını sayladı. Saylav, 2021 s. sentâbr ayından başlap devam ete edi.

Eki leyha Mıkolayiv vilâyetinde kerçekleştirilecektir:

««Mıkolayiv SES» ŞAŞniñ («Mıkolayiv Sıcaqlıq elektrostantsiyası» şahsiy aktsiyalı şirketi) merkezleştirilgen qızdıruv teminatı sistemasınıñ yañartılması»;
«Voznesenska şeeriniñ territorial cemiyetiniñ sakinleriniñ ve biznesniñ suv teminatı keyfiyetli hızmetlerinen temin etilmesi («Voznesenska şeeriniñ suv teminatı» kommunal şirketi).
Biraz soñ nevbetteki leyhalar da saylanacaqtır. Olar, Mıkolayiv, Harkiv, Herson vilâyetlerinde, em de Ukrainanıñ kontrolı astında olğan Donetsk ve Lugansk vilâyetleriniñ topraqlarında kerçekleştirilecek.

Leyhalarnıñ, bitmez energetika, energiya semereliligi, rayon qızdıruv ve suv teminatı, suv arıtıluvı mevzularına bağlıve ticariy olaraq öz-özüni ödemegen olması kerekligini hatırlatamız

Qoşma malümat. Danida Business Finance, belediye astyapı meseleleriniñ çezilmesi içün Danimarka qırallığı tarafından kerçekleştirilgen ve 10 senege qadar faizsiz ödünçlerni bergen programmadır. Böyle leyhalarnıñ azğariy fiyatı, 13,5 mln yevro, azamiy fiyatı ise 100 mln yevrodan.

Ukrainanıñ vaqtınca işğal etilgen topraqlarınıñ reintegratsiyasınen ve oña yaqın topraqlarnıñ astyapısınıñ inkişafınen bağlı olğan ve paranen temin etilgen leyhalarnı saylavnıñ yol-yoruğı Ukraina Nazirler Kabinetiniñ 2021 s. iyül ayınıñ 7-sindeki № 705 qararınen tasdıqlandı.