2021 s. dekabr ayınıñ 15-inde Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, jurnalistlernen köçip kelgenler, bu cümleden qırımtatarlar, içün quruv leyhasınıñ inkişafı aqqında laf etti.

Onıñ sözlerine köre, esas iş meseleleri Heson ve Mıkolayiv ükümetlerinen endi çezildi.

«Tünevin Mıkolayiv şeeri şurasınıñ sessiyası keçirildi. Zor küreşler neticesinde köçmege mecbur olğanlar içün meskenniñ quruluvı çerçivesinde topraqnı ayıruv qararını qabul etip olğan onıñ mebuslarına teşekkür bildirem. Böyle müsbet vaziyet em de Hersonda. Endi fevral ayında biz qurucılıq meydançığında timsal kapsulanı tikleycegimizge ümüt etem», – dep Vitse-baş nazir qayd etti.

Aynı zamanda o, Kıyıvnıñ şimdi DAK, bu cümleden qırımtatarlar içün mesken qurması içün kerekli topraqnı ayırmağa qabul etmegenini bildirdi.

 «Daa bir kere Kıyıv şeeri başına: «Türkiye, para berip köçip kelgenler içün mesken qurmağa azırdır. Lütfen, bu leyha içün topraq ayırıñız, ve 2023 senesine qırımtatarlar Kıyıvdeki meskenni alıp olacaqlar. Çünki türk ortaqlarınen bütün kerekli ükümeteler arası añlaşmalar endi imzalandı, baş işçi saylandı ve, eñ müim, Türkiye Cumhuriyetiniñ bergeni para da bar. Ne içün bu imkânnı yerine ketirip olmaymız?!» – dep İrina Vereşçuk qararını ğayrıdan baqıp çıqmağa çağırttı.