2021 s. dekabr ayınıñ 20-sinde Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ, «Kıyıv-Moğıla akademiyası» milliy universitetiniñ Siyasiy taliller mektebinen beraber Herson vilâyetiniñ Geniçesk şeeriniñ ve Lugansk vilâyetiniñ Starobilsk şeeriniñ territorial cemiyetlerinde kompleks içtimaiyat soravına dair matbuat konferentsiyası keçirildi.
Tedbir Vitse-baş naziri – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuknıñ iştirakinen keçirildi.
«Bu araştırma, Reintegratsiya nazirliginiñ sımarışınen yapıldı ve Şveytsariya konfederatsiyası ve işdeşlerimiz yardımınen Starobils ve Geniçesk cemiyetlerindeki meselelerniñ vaziyetini qıymetlendire bilecekmiz. Bizim aynı bir maqsadımız, RF silâlı tecavuzı neticesinde zarar körgen, devlet içinde alınğan, şimdi cemiyetlerde belli bir oñaytsızlıqnı duyğan kişilerniñ eyiallığını yahşılaştırmaqtır. Biz, akimiyet ve Ukraina Prezidenti, Ükümet, Yuqarı Şura kibi meseleler azlatmaq içün çalışamız ve elimizgen kelgen er şey yapacaqmız», – dep İrina Vereşçuk bildirdi.
Böylece, araştırmacılarınıñ taqımı, mezkür cemiyetlerniñ sakinleriniñ rastklegen meselelerni ve zorluqlarnı qayd etti, bu cümleden:
– Qalımtılar ve himiyaviy maddelernen bağlı mesele
– Saibi olmağan köpeklernen bağlı mesele
– Cemiyetlerdeki alçaq kommunikatsiya ve haberdaqlıqnen bağlı mesele
– Suv teminatı ve elektrikleştirüvnen bağlı mesele
– Politsiyağa işançsızlıq
– Demiryol ağı
İrina Vereşçuk, araştırmanıñ bütün neticeleriniñ baqılacağına ve em de milliy seviyede çezilecegine inandırdı.
«Bugün bizge kommunikatsiya, cemiyetniñ yüksek seviyede açıqlığı kerek, semereli neticeleri almaq içün şimdi Nazirler Kabineti olaraq biz aqqında laf etem», – dep hulâsa çıqardı.
Araştırmanıñ neticelerine köre, RF silâlı tecavuzı sebebinden zarar körgen cemiyetlerni pekitmek içün dialog tedbitleriniñ keçirilecegini qayd etemiz. Daa içtimaiy olaraq zayıf gruppalarnıñ qorçalanmasınıñ yahşılaştırılmasına, muabbetleşüvge ve içtimaiy birlikke, cemiyet telükesizligine aktsent yapılacaqtır.
2021 s. oktâbr ayınıñ 7-sindeki tenderniñ neticelerine köre, «Reintegratsiya nazirliginiñ, cemiyetlerde çatışuvnıñ peyda olunması telükesine qıymet kesüvge ve silâlı tecavuz neticesinde zarar körgen cemiyetlerniñ içtimaiy birligine dair yerli potentsialnıñ inkişaf ettirüvine dair programmalarnı koordinatsiya etüvniñ kerçekleştirilmesi qabiliyetini arttıruv» leyhasınıñ yerine ketirilmesi çerçivesinde «Kıyıv-Moğıla akademiyası» milliy universitetiniñ Siyasiy taliller mektebi araştırma yaptı.
Mezkür leyha içün Şveytsariya Konfederatsiyası para berdi. İşdeşlikniñ maqsadı, RF silâlı tecavuzı sebebinden zarar körgen cemiyetlerni pekitmektir, hususan içtimaiy olaraq zayıf gruppalarnıñ qorçalanmasını yahşılaştırmaq, muabbetleşüvge ve içtimaiy birlikke yardım etmek, cemiyet telükesizligini pekitmektir.