Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ vekilleri, «Reintegratsiya ve ğayrıdan tiklev» devlet şirketinen beraber Kıyıvda «Artek» Halqara bala merkezini ziyaret ettiler.

Ziyaret vaqtında Reintegratsiya nazirliginiñ ve «Reintegratsiya ve ğayrıdan tiklev» devlet şirketiniñ vekilleri, mevzulı maletiallarnı qullanaraq minalar ve patlayıcı şeylernen özüni tutuv qaideleri aqqında malümat-añlatıcı işini keçirdi. Yaş qızlar ve oğlanlar, bu cümleden Donetsk ve Lugansk vilâyetinden) diñleyiciler oldılar.

Balalar da Reintegratsiya nazirliginiñ hadimlerine alâ daa bütün Ukraina boyunca bulunğan keçken yıllardan qalğan patlayıcı şeylernen bağlı öz adiselerini añlattılar. Aynı zamanda, minalar ve patlayıcı şeylernen özüni tutuv qaidelerini bütün balalar biley ediler, Reintegratsiya nazirliginiñ mezkür malümat tedbirleri ise balalarnıñ ayatı ve sağlığını qorçalamaq içün keçirilmektedir.

Ziyaret soñunda er bir yaş diñleyici komiks şeklindeki «Mina telükesizligi işletilme qaidelerisiz olmay» oquv qullanma-kitaplarını aldılar. Aziz Mıkolay künü vesilesinen Reintegratsiya nazirligi «Artek» bala merkezine bahşışlarnı berdi.

Reintegratsiya nazirligi, minalar ve patlayıcı şeylernen özüni tutuv qaidelerine riayet etmek ve er vaqıt, hususan qış bayramları devamında, açıqköz olmaq ne qadar müim olğanını qayd etmekte.

Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ, muntazam tarzda minalar ve patlayıcı şeylernen özüni tutuv qaidelerine dair talimatlar ve derslerni alıp barmaqtadır. Bu cümleden, 2021 senesiniñ ilk yarımyılı içinde mezkür tedbirler Donetsk ve Lugansk vilâyetleriniñ 18 territorial cemiyetinde keçirildi.

Bundan ğayrı, tek dekabr ayından başlap №102 paytaht mektebiniñ, Lugansk vilâyetindeki Kreminnanıñ litseyiniñ talebelerine kerekli itiyat ve bilgiler añlatıldı, Donetsk vilâyetindeki Vugledar territorial cemiyetiniñ oquv yurtlarınıñ talebeleri, Reintegratsiya nazirliginiñ mahsus oquv qullanmalarını aldılar.