Mart ayınıñ 27-sinde “İnter” telekanalınıñ canlı yayınında Vitse baş nazir – Ukrainanıñ vaqtınca işğal etilgen topraqlarınıñ reintegartsiya meseleleri naziri İrina Vereşçuk, ukrain vatandaşlarınıñ rfnıñ topraqlarına mecburen sürgün etilemsine dair mevcut vaziyetni ve ükümetniñ bu insanlarnıñ qaytarılması içün küreşini añlattı.

Ukrain tarafınıñ, HQHEniñ rusiyedeki rostov-na-donuda vekilligini açma ıntılmasına qarşılığı açıq aydın manfiy olğanını qayd etti.

“Qırmızı Haçnen uzun zamandır işdeşlik yapamız ve vekilleriniñ vaziyetke kerçekten tesir etmegenlerini bilemiz. Rusiye olarnı qullana. Keçenlerde Eyyetniñ prezidenti Peter Maurer Kıyıvnı ziyaret etti. Ukrain ükümeti, oña gumanitar koridorlarnıñ teşkil etilmesine dair öz teklifini bildirdi. Bundan soñ o, rus paytahtına ketti – ve neticesini er kes köre”.

Rostov-na-donudaki mezkür vekilliginiñ çalışıp çalışmaycağı daa belli olmay. Çünki rusiye daa ihtiyacı olıp olmağanını tüşünecek. Er bir alda, HQHEniñ halqara cemaatnıñ közlerindeki sıfatı artıq o qadar çekici olmay, – dep Reintegratsiya nazirliginiñ reberi açıq ayta.

Şimdi Ukraina, ukrain topraqlarından rfna mecburen sürgün etilgen ve aralarında balalarnıñ da bulunğanı deyerli 40 biñ vatandaşımız aqqında malümatqa saip. Olar aqqında malümatnı tesbit etmek içün çalışmalar devam ete.

“Mecburen sürgün etilgenlerniñ ukrain tarafınen bağlanıp öz alâqa malümatını bermelerini tevsiye etem. Böylece tam olaraq qayda olğanlarını añlaycaqmız ve olarnı qaytarmaq içün BMT ve başqa halqara müessiseler vastasınen acele hitaplarnı azırlaycaqmız. Pasportlarıñız alınsa, vesiqanıñ şahsen saqlanması içün mümkün olğan er şey yapıñız. Bir kişi özüni tanıtqanında vesiqalarnı “Diia”da yañıdan yükleycekmiz. Şu anda bu mehanizm üzerinde çalışamız“, – dep İrina Vereşçuk tevsiye etti.

Memur qayd etti ki, işğalci tarafından tutulıp esir etilgen memurlar, faalciler, göñülliler ve jurnalistler sicilge qayd etildi ve Ukraina HQHEne bu kişilerniñ statusını tesbiet etmek talabınen muracaat ettik, çünki uquqiy tarzda olar esirler olmaylar.

“Olar qannunsız olaraq tutulğan reinelerdir. Bunıñ içün rfnıñ olarnı bizge deñişikliksiz bermek kerek. Bu mesele şu anda çezile. Aynı da rus grajdan aydayıcıları aqqında laf etemiz: onlarca şimdi Ujhorod, Çernivtsi ve başqa yönelişlerinde buluna. Daa rus gemileriniñ ekipajı azaları. Yani pek çoq mesele bar ve olarnı çezmek içün çalışamız“, – dep Vitse nazir hulâsa çıqardı.