2021 s. Ukraina Nazirler Kabineti, Şarqiy Ukrainada silâlı tecavuz menfiy neticesinde zarar körgen topraqlarğa yardım etüvge dair faaliyetler içün devlet bücetiniñ 113,6 mln grivnalıq subventsiyasını yerli bücetlerge üleştirdi. Devlet içinde alınğan kişilerge vaqtunca meskenni qurmaq, ğayrıdan tiklemek ve temelli tamir etmek içün programma, yerli bücetten 30% ve devlet bücetinden 70% ortaq paranen temin etilüvi esapqa alınır.

Böylece, DAK içün vaqtınca mesken fonduna 342 köçmesizlik obyekti qoşacaq, bu da 1000den ziyade DAKni meskennen temin etmege imkân yaratacaq. Paralar, Ukrainanıñ 23 vilâyetinden 94 cemiyetine yollandı.

Yerli şuralarnıñ ya da arbiy-grajdan memuriyetiniñ 140 teklifini baqmaqtan soñ Ükümet 104ni taqdirledi. Subventsiyanı berüv ve yol-yoruğı, 2017 s. oktâbr ayınıñ 4-ündeki Ukraina Nazirler Kabinetiniñ № 769 qararınen tasdıqlandı.

Eñ çoq köçmesizlik obyektini Herson vilâyetiniñ, em de Ükümetniñ nezareti astında olğan Donetsk ve Lugansk vilâyetleriniñ topraqlarınıñ cemiyetleri bermektedir.

Donetsk vilâyetinde üleştirüvde 13 cemiyet iştirak etti. Olarnıñ arasında Slovyansk şeer territorial cemiyetinde DAK içün vaqtınca mesken fondlarına 27 köçmesizlik obyekti qoşacaq, 15-ini ise Pokrovsk şeer territorial cemiyeti ayıracaq.

Lugansk vilâyetiniñ 8 cemiyeti arasında 20 köçmesizlik obyektini Severodonetsk şeer territorial cemiyeti, daa 19nı ise Girske şeer territorial cemiyeti ayıracaq.

Herson vilâyetinde DAK içün vaqtınca mesken fondlarına Herson şeer territorial cemiyetiniñ 17 köçmesizlik obyekti berilecek.

Devlet bücetinden subventsiyanı alğan cemiyetlerniñ tolu cedvelini bağlantığa basıp oquya bilesiñiz.

Vaqtınca mesken fondlarından meskenni almağa istegen devlet içinde alınğan kişiler içün tafsilâtlı malümatnı bağlantığa basıp tapıñız.