Lehistanda yaşağan ukrainalılarnıñ pasport vesiqalarını alma imkânı bar. Ülkeniñ dört şeerinde ukrain pasport hızmetiniñ ast bölükleri «Dokument» DT çalışa. Anda Ukraina vatandaşları aşağıdaki hızmetler ala bilirler:

– aynı zamanda em tış pasport, em de ID-kartnı vesiqalaştırmaq;

– tış pasportnı vesiqalaştırmaq;

– ID-kartnı vesiqalaştırmaq;

– aydayıcı şeadetnamesini deñiştirmek;

– sigorta.

Varşava, Krakov, Hdansk ve Vrotslav şeerlerinde aşağıdaki adreslerde «Dokument» DTniñ ast bölüklerini ziyaret etmek mümkün:

1. Varşava şeeri, 02-222, Yerusalim alleyası, 179, Blue City alış-veriş merkezi. «Pasport hızmeti» vatandaşlar hızmet merkezinde pasport vesiqalarını resmiyleştirmek içün ariza bermek mümkün. 17 çalışqan stantsiya arizacılarnı ala ve 4 stantsiya ise vesiqalarnı bere. Çalışma saatleri: Bazarertesi – Cumaertesi 09:00 – 18:00. Bağlantığa basıp online şeklinde yazıla bilirsiñiz.

2. Krakiv şeeri, 31-154, Yan Novak-Yezoranskıy meydanı. Mobil kompleksler (mahsus şekilde abadanlaştırılğan mikroavtobuslar) vastasınen pasport vesiqalarını resmiyleştirmek içün ariza bermek mümkün. 8 mobil kompleks arizacılarnı ala ve 1 kompleks ise vesiqalarnı bere. Çalışma saatleri: Bazarertesi – Cumaertesi 09:00 – 18:00. Bağlantığa basıp online şeklinde yazıla bilirsiñiz.

3. Hdansk şeeri, 80-309, Hrünvald alleyası, 415. «Pasport hızmeti» vatandaşlar hızmet merkezinde pasport vesiqalarını resmiyleştirmek içün ariza bermek mümkün. 12 çalışqan stantsiya arizacılarnı ala ve 2 stantsiya ise vesiqalarnı bere. Çalışma saatleri: Bazarertesi – Cumaertesi 09:00 – 18:00. Bağlantığa basıp online şeklinde yazıla bilirsiñiz.

4. Vrotslav şeeri, 51-117, Papotna sq., 7, «Marino» alış-veriş merkezi. Mobil kompleksler (mahsus şekilde abadanlaştırılğan mikroavtobuslar) vastasınen pasport vesiqalarını resmiyleştirmek içün ariza bermek mümkün. 11 mobil kompleksi vatandaşlarğa hızmet ete. Çalışma saatleri: Bazarertesi – Cumaertesi 09:00 – 18:00. Bağlantığa basıp online şeklinde yazıla bilirsiñiz.

Ukraina vitse baş naziri İrına Vereşçuknıñ teşebbüsinen mobil komplekslerin sayısı arttırmağa planlaştırılır.

Bundan ğayrı, Çehiya Cumhuriyeti, Türkiye Cumhuriyeti, Almaniya Federativ Cumhuriyeti, İtaliya Cumhuriyeti ve İspaniya Qırallığında «Dokument» DTniñ ayrı ast bölüklerini açmağa murakere etilir