Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, işğalci tarafından qırşavlanğan şeerden alâ daa çıqamağan ve yardımnı beklegen Mariupolnıñ sakinlerine muracaat etti.

Reintegratsiya nazirliginiñ reberi şeercilerni inandırdı: Ukraina olarnı bekley ve er bir içün cenkeleşe.

Mart ayınıñ 5-inden şeerden Zaporijjâğa bir qaç marşrut vastasınen gumanitar koriodorlarnı açma ğayretleriniñ devam etkenini hatırlattı. Yazıq ki, bu koridorlarnıñ işlenmemesi içün işğalci er vaqıt mümkün olğan er şey yapar. Dünyanıñ eñ teserli insanlarnıñ qarşılığı bile vaziyetni deñişemez.

“Biz, Roma Papasına, AQŞnıñ Preizdenti Cozef Baydenge, britaniya naziri Borıs Consonğa, çin lideri Si TSzinpinge muracaat ete edik… Amma mariupollılar alâ daa bombardıman etilir. Olarnıñ er birine muracaat etem: biz siznenmiz! Tamam şu anda Zaporijjâğa tahliye etilgenlernen 42 avtobus ketmektedir. Ve şeerden çıqma ve tınç yaşama fırsatını elde etecegiñizge qadar er kün ketecekmiz. Oñaytlı olmañız ve sevginen qarşılamañız içün elimizden kelgeni er şey yapamız. Bekleñiz ve işançnı ğayıp etmeñiz, sizni sevemiz!” – dep Vitse baş nazir mariupollılarnı çağırdı.