Gumanitar teşkilâtlar Ukrainanıñ ealisini destek etmege devam eteler. Fevral ayınıñ 24-ünden başlap, gumanitar yardım 13,6 million ukrainalını tarqattı.

Şu anda devleimizde 700 gumanitar teşkilât çalışa. Olar arasında em halqara agentlikleri, em yerli ükümetsiz teşkilâtlar, em de hayriye fondları bar. Bu, 10 ay evelki sayıdan 5 qat çoqtır. Gumanitar operatorlarnıñ deyerli yarısınıñ esas faaliyet yönelişi – aşayt mahsulatınen yadım etmek, ilk kerekli eşyalarnen ve yaşayış aletlerine temin etmektir.

Cenkniñ başlanğıcından BMTnıñ agentlikleri ve ortaqları, umumen tahminen 3 mlrd AQŞ dollarlıq gumanitar yardım berdiler. Bu paranıñ üçte biri, para yardımı ödemeleri şeklinde qullanıldı. Tahminen 5 million ukrainalı mezkür yardım aldı.

BMTnıñ gumanitar meselelerniñ idaresi ofisiniñ (OCHA) saytında soñ 10 ay devamında Ukrainadaki orta gumanitar işniñ böyle neticeleri yayınlandı.

BMTnıñ gumanitar meseleler baş kâtibiniñ muavini Martin Griffitsniñ keçenlerdeki Ukrainanı ziyareti vaqtında o bildirdi ki, halqar agentlikler ukrainalılarnı destek etmege devam etecekler. Onıñ sözlerine köre, elektrik teminatını yañıdan yaratmaq, viran etilgen binalarnı yañıdan qurmaq ve topraqlarnı minasızlaştırmaq kelecek sene gumanitar teşkilâtlarnıñ prioriteti olacaq.

Hatırlatamız ki, Reintegratsiya nazirligi Ukrainadaki gumanitar cemiyetnen faal olaraq işdeşlik yapmağa devam ete. Nazirlikniñ UNHCR Ukraine, UNICEF, WFP, IOM, ICRC, OCHA ve başqa halqara ve yerli gumanitar operatorlarnen orta leyhaları devam eteler.