Reintegratsiya nazirligi: dekabr ayınıñ 19-25 künleri – aftanıñ eñ müimleri
Опубліковано 25 December 2022 року, о 21:14
Reintegratsiya nazirliginiñ taqımı Jıtomır vilâyetini ziyaret etti. Qartlıq pensionatı ve DAKniñ yaşağanları kompaktlı yerlerni körip teşkerdiler. Köçip kelgenler halqara teşkilâtlardan urba, ayqqabı, ilk kerekli eşyalar kibi gumanitar aldılar. Balalar ise Aziz Mıkolay bayramına eñ sevgenleri tatlılarnı aldılar. Ziyaret vaqtında taqımnıñ başı olğan vitse baş nazir İrına Vereşçuk DAKge yardım etken er keske teşekkür bildirdi.
Esirlikten azat etilgen 19 ukrain qadını Lehistanda reabilitatsiya kursını keçti. Minnetli aziz azapçı Klımentiy Şeptıtskıy adına fond, sabıq esirler içün raatlıq-reabilitatsiya seyaatını teşkil etti. O, Ukraina vitse baş naziri İrına Vereşçuk ve Lehitsan Ükümetiniñ teşebüsinen yaratıldı. Nıjnösilezke voyevodstvodaki Löndek-Zdruy cemiyetine seyaatnıñ programmasında ekim mesleatları, reabilitatsiya protseduraları ve sağlıqnı umumiy yahşılaştırıcı vazifelerden ibaret oldı.
Luhansk vilâyetiniñ işğalden azat etilgen rayonlarında Ukrpoşta içitmaiy ödemeler yapmağa başladılar. Umumen Ukrpoştanıñ mobil bölüginiñ işçileri 100den ziyade ödeme yaptılar. Nevske köyüniñ sakinleri pensiya ve Ukraina Qırmızı Haç Teşkilâtından naqıt yardımını aldılar.
Lehistan Ükümeti Ukrainağa sıñır astyapısınıñ yañıdan qurulması içün 60 mln yevrolıq kredit berecek. Bugünki deñişmeler kredit miqdarınıñ 100 milliondan 160 millionğa çoqlaşamasını esapqa alır. İlâve para, sıñır yol astyapısını yañıdan quruv ve ukrai-leh sıñırında keçit noqtaslarını tiklev leyhalarını ödemek içün üleştirilecek.
2023 senesi yanvar ayınıñ 1-inden DAK devletten yardımnı almağa avtomatik olaraq devam etecekler – bunı içün içtimaiy qorçalama organlarına daa bir kere hitap etmek kerekmey. Kerçekten yaşağanı yerni tasdıqlamaq içün de o yerge ketmek kerekmeycek – bunen bağlı teşkermeler olmaycaq. “Şimdiki alğa, elelktrikanen meseleler, internetniñ yoq olması, ava telüke işaterlerine köre, akimiyet insanlarnı añlap, destek etmeli”, – dep bu qaidelerniñ teşebbüsi olğan vitse baş nazir İrına Vereşçuk qayd etti.
Reintegratsiya nazirliginiñ taqımı Vinnıtsâ vilâyetini ziyaret etti. Memurlar, DAKniñ meskünlerini, saqatlı ve qart insalar içün müessiselerni ziyaret ettiler. Vitse baş nazir İrına Vereşçuk vilâyetniñ ve topraq cemiyetleriniñ reberliginen, halqara teşkilâtlarnıñ vekillerinen oturışlarnı keçirdi. Vinnıtsâ vilâyeti – eñ çoq DAKni yerleştirgen bölgelerden biridir. Anda yaşağan tahminen 200 biñ kişi bu statusnı aldı.
