2021 s. noyabr ayınıñ 3-ünde Ukraina Nazirler Kabineti, Diia portalında online şeklinde devlet içinde alınğan kişiler para yardımını almağa devam etme ya da bitirme arizasını berme qararını qabul etti.
Bunı yapmaq içün Diia portalına ketip, arizanı toldurıñız, elektorn imzasınen imzalanıp yollañız.
Yardımnı devam etme hızmetı deñişmegen şaraitke saip olğanlar içün keçilir olacaq. Para yardımını taymin etüvge tesir ete bilgen şeyler:
- qoranta terkibinde deñişmeler;
- kimlik şeadetnamesi deñişmeleri;
- faktik yaşayış yerini deñişme;
- siz ya da aileñizniñ azası, vaqtınca işğal etilgen topraqlarda ya da sıñırda bulunmağan başqa regionda meskem saibi olsa;
- siz ya da aileñizniña azası, yaşayış azğarınıñ 25 qatından ziyade parağa saip olsa;
- siz ya da aileñizniñ azası tolu devlet baquvında olmasa;
- arizacınen beraber çalışıp olğan aileniñ azasınıñ işten çıqarıluvı ve işsiz statusqa saip olsa.
«DAKni aqlarınen temin etüv meselesi ve olarğa hızmet etüv mehanizmini mükemmelleştirüv er vaqıt Ükümetniñ nezareti astındadır. Böylece, idareler arası ortaq işi neticesinde Reintegratsiya nazirligi, Raqam nazirligi ve İçtimaiy siyaset nazirligi, DAK içün para yardımını alma ya da bitirme esnasını qolaylaştırması içün daa bir raqamiy mahsulını azırladı. Yaqın kelecekte mezkür hızmetlerni almaq içün er yarımyıl vekâletli organlarda nevbetini beklep turmaq ve çoq vesiqanı resmiyleştirmek yerine Diia portalı vastasınen arizada para yardımını taymin etüvge ya da bitirüvge tesir etken deñişmelerniñ olmamasını qayd etip, elektorn imzasınen imzalanmaq ve yollamaq kerek olacaq», – dep Ukrainanıñ vaqtınca işğal etilgen topraqlarınıñ reintegratsiya meseleleri naziriniñ muavini Snaver Seithalilev bildirdi.
Diia Portalında DAK içün elektron hızmetlerini yaratuv, UNDP Ukraine tarafından kirsetilgen ve İsveçiyanıñ para yardımınen «Raqamiy, inklüziv, kelişikli: Ukrainada devlet hızmetleriniñ raqamlaştırılmasına yardım (Diiağa yardım leyhası)» leyhası çerçivesinde kerçekleştirilmektedir.