2021 s. noyabr ayınıñ 16-sında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziriniñ iştirakinen Stanıtsâ Luganskada (Lugansk vilâyeti) Diia Merkezi açıldı.
Tedbirde de Ukrainadaki AB elçisi Matti Maasikas, Ukrainadaki BMTİPnıñ daimiy vekili Dafina Gerçeva, Raqamiy transformatsiyalar naziriniñ muavini Ludmıla Rabçınska, Lugansk vilâyeti devlet memuriyetiniñ başı Sergiy Gayday ve Şçastâ rayonındaki Stanıtsâ Luganska qasabası arbiy-grajdan memuriyetiniñ reberi Albert Zinçenko iştirak etti.
Diia Merkezi, vatandaşlar içün bütün kerekli hızmetlernen, ukrainler içün oñaytlı servisnen ve qoşma imkânlarnen bir boşluqtır.
Böylece, Stanıtsâ Luganskadaki yañı açılğan merkez vatandaşlarğa 260 farqlı memuriy hızmetni teklif etmekte. Bundan ğayrı, ukrainler online-hızmetler ve bizneske (Diia.Biznes) dair mesleat sora bilecekler.
«Bu merkezniñ açılması, Lugansk ve Donetsk vilâyetlerinde yaşağan bizim vatandaşlarımız içün müim bir alettir. Bugünden başlap yekâne kompleksli bir pencereçıq olacaq, buna kelip tez ve oñaytlı tarzda, eñ müim ki tamam bir yerde hızmetlerni alamaq mümkün olacaq. Bu, insanlarğa ömrüniñ biñler saatlerini sarf etmemege, nevbetini beklep turmayaraq yardım etecek. Bilem ki, bu leyha, başqa böyle merkezlerniñ qurulmasını de esapqa alır, ve bizim de yaqın zamanda Donetsk vilâyetindeki onıñ açılışında olacağımıza ümüt etem», – dep İrina Vereşçuk bildirdi.
Donetsk ve Lugansk vilâyetleriniñ sakinleri içün bürokratik areketlerni qolaylaştırğan tamam böyle adımlarnıñ, oñaytlılıq ve telükesizlikni temin etecek olğan «yımşaq quvet» olğanını qoştı.
Daa Diia merkezlerniñ odaları inklüziv, anda coworking zonaları ve toplaşuv zalı bar. Bundan ğayrı, ukrainliler içün Diia Portalı vastasınen öz-özüne hızmet etüv zonaları da esapqa alındı. Mında merkezniñ idarecileri portalnı qullanmağa ögretirler, kerekli online hızmetni almağa yardım eterler. Neticede bu, kelecekte vatandaşlarğa öz-özüne hızmet etmege imkân berecek.
Reintegratsiya nazirliginde şimdi VİETnıñ sakinleriniñ bütün devlet hızmetlerini online şeklinde almaları içün dair faal işniñ yapılğanını hatırlatamız. Böylece, 2021 s. mayıs ayında raqamiy eMalâtko kirsetildi, onıñ yardımınen VİETda doğğan balalarnıñ ana-babalarına tez ve oñaytlı tarzda Diia Portalı vastasınen doğum şeadetnamesini almağa yadrım etecek. Daa Diia Portalında DAK, imtiyazlı ipoteka krediti almaq içün ariza berip olalar.
Bundan ğayrı, 2021 s. noyabr ayınıñ 3-ünde ükümet, DAK içün para yardımı arizasını online şeklinde berme qararını qabul etti.