Yaşlar içün mesken binalarını quruvğa yardım etken devlet fondu, Almaniya Ükümeti yardımınen Ukraina Ükümeti tarafından kerçekleştirigen «Devlet içinde alınğan kişiler içün mesken binaları» leyhası çerçivesinde kredit namzetleri arasından nevbetteki qazanğanlarnı sayladı.

2021 s. noyabr aynıñ 17-sinde qayd etilgen namzetlerden ve imtiyazlı mesken kreditini alacaq daa 100 kişi saylandı.

Rrotsedura, Halqara mesleatçı tarafından teklif etilgen, KfW tarafından uyğunlaştırılğan ve şahsiy malümatlarnıñ qorçalanmasına dair qanunlarnıñ talaplarına uyğun olğan RandomPicker programm teminlenüvi qullanılaraq, tesadufiy sayı generatorı yardımınen tesadufiy saylav yapılaraq kerçekleştirilecektir.

Saylavnıñ canlı yayını YouTubedeki Yaşlar içün mesken binalarını quruvğa yardım etken devlet fondunıñ kanalında keçti.

Bağlantığa basıp, ğaliplerniñ cedvelini köre bilesiñiz.

Bir soñki iş kününden daa keç olmamaq üzre, Yaşlar içün mesken binalarını quruvğa yardım etken devlet fondunıñ regional idareleriniñ, ğaliplerge kerekli vesiqalarnı bermege haber etecegini qayd etemiz.

Sicilde qayd olmaq içün arizalarnı qabul etüv 2021 s. noyabr ayınıñ 18-inden yañıdan başlanacaq. Arizalar, Diia portalı vastasınen bağlantığa basıp berilecek.

Hızmetniñ tehnikiy yerine ketirilüvi, Ukrainanıñ raqamiy transformatsiya nazirligi yardımınen yapıldı.

Kreditni nasıl resmiyleştirmek içün bağlantığa basıp tafsilâtlıca oquñız.

2020 s. dekabr ayınıñ 2-sinde Yuqaru Şuranıñ, Ukraina Ükümeti ve Almaniya Ükümeti arasında devlet içinde alınğan kişilerniñ mesken alması içün imtiyazlı ipoteka kreditini bermek içün KfW alman devlet bankından 25,5 mln yevro qullanuvğa dair añlaşmanı tasdıqlağanını hatırlatamız. Mezkür añlaşma, DAKniñ umumen tahminen 40 biñ yevrolıq meskenlerni alması içün (20 yıl içün ve imtiyazlı şaraitnen – seneniñ 3%-i) imtiyazlı kreditni almağa imkân yaratacaq.

2021-2022 seneleri içinde bu leyha, eñ az 680 qorantanı ya da 1768 DAKni daimiy meskennen temin etmege imkân berecek.