Ukrainanıñ vaqtınca işğal etilgen topraqlarınıñ reintegratsiya meseleleri nazirligi, Donetsk ve Lugansk vilâyetlerindeki zayıf gruppalarğa yardım etmek içün işlegen cemmat teşkilâtlarınen online-toplaşuvnı keçirdi. Toplaçuvnıñ esas mevzusı, Donetsk ve Lugansk vilâyetleriniñ iqtisadiy inkişafı strategiyası oldı.

“Şimdi spaydaşlarımıznı işke çekmege tırışamız. Olarnıñ arasında cemaat teşkilâtları, vilâyet memuriyetleri, AGM, biznestir. Yani bu ceryannı, Strategiyanıñ muvafaqiyetnen kerçekleştirilmesinen meraqlanğan er kesnen maksimal olaraq zamandaşlaştırmaqtır. Rafta turğan ve iç fayda ketirmegen bir strategiya alına kelmemesini isteyim”, – Reintegratsiya nazriliginiñ strategik planlaştırma ve avropa integratsiyası direktoratınıñ başı Marta Buhtiyarova qayd etti.

Şimdi Strategiyanıñ dört saasına esas diqqat celp etilmekte:

• Donetsk ve Lugansk vilâyetleriniñ prioritetli iqtisadiy inkişaf topraqlarını qayd etmek içün qanun leyhalarınıñ azırlanması;
• arbiy-siyasiy telükelerniñ sigortası;
• konsortsium para berilüvi fondunıñ teşkil etilmesi;
• sıñırdaki cemiyetlerniñ iştirak bücetlerinen bağlı mesele.

Muzakere etkende cemaat teşkilâtlarınıñ, bu cümleden “Qadın veteran arekreti” CT, “Konstântınivka şeeriniñ ğayrıdan yaratıluvı ve qurulması” CT, “Çarpışuv sızığında” Koalitsiyası” CBniñ vekilleri, Strategiyanıñ qaidelerinen bağlı meselelerini soradılar, ve muayyen teşebbüslerge dair öz tefsizlerini ve tekliflerini bildirdiler. Husussan, astyapı obyektlerine para berilüvi, yerlerde semereli idare etüv, insan sermiyasınıñ inkişafı ve ealiniñ zayıf gruppalarıınıñ aqlarınıñ qorçanuvı muzakere etildi. Şu, bu formattaki ilk körüşüv oldı, kelecekte yahşı epidemik vaziyet olsa, muzakereler yerlerde offline olaraq devam etecek.

2021 s. avgust ayında Ükümetniñ, Donetsk ve Lugansk vilâyetleriniñ iqtisadiy inkişafı strategiyasını tasdıqlağanını hatrılatamız. Strategiyanıñ işletüv planı, büyük çoqusı önümizdeki üç sene içinde kerçekleştirilecek olğan 181 tedbirden ibaret ola.