«Stanıtsâ Luganska» kiriş-çıqış yoqlav keçitinden sıñırnı keçmege istegen vatandaşlar bagajnı teşkermesi içün vaqıt coymaycaq. KÇYKniñ rejim zonasında yerleştirilgen dört rentgen-televizion sisteması – bagajnı ve kiçik yikni teşkermesi içün skaner, protseduranı çabikleştirecektir.

Sistemalar rentgen generatorlarınen, detektor modullerinen, mehanik ve konveyer qurulışlarınen, ve kompyuter platformasınen donatılğandır. Bundan ğayrı, aktual mesele olğan patlayıcı şeyler ve narkotiklerni tapmaq içün kerekli olsa, yarımavtomatik yardımcı programmanı tiklemek mümkün. Bu da vatandaşlar içün telükesizlik derecesini pekitmege imkân berecek.

KÇYKniñ rejim zonası, Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ nezareti astında olğan ve BMTİP, Avropa Birligi yardımınen, BMTnıñ barışıqnıinkişaf ettirüv ve ğayrıdan tiklev programması çerçivesinde “Reintegratsiya ve yañından quruluv” devlet teşkilâtınıñ mütehassıslarınen temin etildi.

Oktâbr ayında «Stanıtsâ Luganska» KÇYKniñ rejim zonasınıñ yañartılmasınıñ bitirilgenini hatırlatamız. 2021 senesiniñ soñuna KÇYK, daa evel «Şçastâ» ve «Sarı Bulat» KÇYKlerinde tiklengen yekâne standartta olması içün hızmet zonasındaki işler bitirilmege planlaştırılmaqta.