Herson vilâyetinde brifing vaqtında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bildirdi.

Böylece, Hersonğa iş ziyareti vaqtında İrina Vereşçuk, simdi «Ukrain demiryolu» AŞiniñ balansında olğan «Çongar» KÇYKniñ rejim ve hızmet zonalarını kezip kördi ve İHMniñ işinen tanış oldı.

«Şimdi KÇYKni, «Çongarnı» kibi, bizim nazir devlet teşkilâtınıñ balansına bermesi içün çalışamız. Şimdi balansnıñ saibi, yani «Ukrain demiryolunıñ» vekilleri de bar. Tögerek masa başında oturıp yol haritasını muzakere etecegimizni añlaştıq. Endi açıq-aydın azırlıqlarımız ve adımlarımız bar, ve bunı yılnıñ soñuna qadar yapacağımızdan ve er şerni nizamğa qoyacağımızdan eminim», – dep Vitse-baş nazir bildirdi.

Daa o, şimdi eñ müim meseleniñ, vatandaşlarnıñ KÇYKleriniñ hızmet zonalarından VİETğa ve aksine taşılmasını temin etüv olğanını qayd etti.

«Kerçekten, bu mesele alâ daa çezilmedi, çünki bizde insanlarnıñ bedava ya da pek ucuz taşıluvını temin ete bilecek avtobuslar yoq. Demek, vatandaşlarımız oñaytlı olaraq ketip ve çoq para masraf etmeyip olması içün böyle avtobuslarnı alması içün çarelerni ve para tapmağa mecburiyet alamız», – dep Vitse-baş nazir ayttı.

İrina Vereşçuk ta, Reintegratsiya nazirliginiñ, COVID-19 aşısını yaptırması içün «Qalançaq» KÇYKni kerekli tibbiyet hadimlerinen temin etmesi ve mahsus yerni donatması içün çalışacağını qoştı.

«Yani vaktsinamız bar, ve şimdi tibbiyet hadimleri ve olar, ekimler içün bir yer kerektir. İnsanlar qolayca aşı yaptırması ve Avropağa ketmesi içün bu mesele üzerinde çalışamız. Daa Sağlıqnı qoruv nazirliginen añlaşmamız bar – o, bizge sertifikatlı ve Avropa Birligi tarafından tanılğan kerekli vaktsinanı berecek», – dep İrina Vereşçuk hulâsa çıqardı.