Ukrainanıñ vaqtınca işğal etilgen topraqlarınıñ reintegratsiya meseleleri nazirliginen Ukrainadaki Şveytsariya Konfederatsiyasınıñ Elçiligi tarafından taqdim etilgen Şveytsariya inkişaf ve işdeşlik agentligi arasında añlaşması çerçivesindeleyhanıñ yerine ketirilmesi başlandı. «Reintegratsiya nazirliginiñ, cemiyetlerde çatışuvnıñ peyda olunması telükesine qıymet kesüvge ve silâlı tecavuz neticesinde zarar körgen cemiyetlerniñ içtimaiy birligine dair yerli potentsialnıñ inkişaf ettirüvine dair programmalarnı koordinatsiya etüvniñ kerçekleştirilmesi qabiliyetini arttıruv».

Leyha, 2021 s. noyabr ve dekabr içinde Herson vilâyetiniñ Geniçesk şeerindeki ve Lugansk vilâyetiniñ Starobilsk şeerindeki territorail cemiyetlerde kompleks içtimaiy araştırmalarınıñ yaptırılmasını esapqa almaqtadır.

Oktâbr ayınıñ 7-sinde keçken tender neticelerine köre, «Kıyıv-Moğıla akademiyası» milliy universitetiniñ «Siyasiy talilcilik mektebi» cemiyet teşkilâtı araştırma yapacaq. CTnıñ vekilleri, Reintegratsiya nazirligi tarafından azırlanğan ve tasqdıqlanğan (21.11. 2018 № 117 emir) silâlı tecavuz neticesinde zarar körgen cemiyetlerde çatışuvnıñ peyda olunması telükesine qıymet kesüvge dair usuliy tevsiyelerni qullanacaqlar.

Araştırma neticeleri esasında RF silâlı tecavuzı neticesinde zarar körgen cemiyetlerniñ içtimaiy birligine dair dialog tedbirleri kerçekleştirilecek. Bundan ğayrı, içtimaiy olaraq zayıf gruppalarnıñ qorçalanmasını yahşılaştıruvğa, içtimaiy birlik ve muabbetleşüvge yardım etüvge, cemiyet telükesizliginiñ pekitilmesine de ayrıca diqqat celp etilecek.

Leyhanıñ, Şveytsariya Konfederatsiyasınıñ Ükümeti tarafından paranen temin etilgenini hatırlatamız.

2018 senesiniñ soñunda cemiyetniñ birligini arttıruv işi başlandı. O vaqıt bu işler Soledar şeeri BTC (Donetsk vilâyeti), Lısıçansk territorial cemiyeti (Lugansk vilâyeti) Qalançaq BTC, Sarı Bulat BTC ve Herson şeeri cemiyetinde kerçekleştirile edi.