burger

İrina Vereşçuk Herson vilâyetinde qırımtatar halqınıñ Meclisiniñ ve DAKnıñ aktual meselelerini muzakere etti

Опубліковано 23 November 2021 року, о 10:33

İş ziyareti vaqtında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk Meclisniñ ve cemiyet teşkilâtlarınıñ vekillerinen laf etti.

Böylece taraflar, Qırımnıñ sakinlerniñ ve qırımtatarlarnıñ yarımadanıñ vaqtınca işğal etilmesinen bağlı meselelerini muzakere ettiler. VİETdaki insanlarnıñ aqlarını bozuvğa, bu cümleden mecburiy pasportlaştırvğa, siyasiy sebeplerden taqip olunuvğa, balalarnıñ aqlarını bozuvğa, jurnalistlerniñ taqip olunuvına, qırımtarar halqınıñ Meclisine çaşılma yasağına da diqqat celp etildi.

Bundan ğayrı, «QırımSOS» ve «aprelniñ 10-u» cemiyet teşkilâtları, devlet içinde alınğan kişilerniñ aqlarını kerçekleştirmesi içün çoq sıñırnı yaratqan meselelerni añlattılar. Bu cümleden, DAK içün memuriy hızmetlerni alması içün mehanizmni, hususan pasportnı aluv ve yaşama yerini qayd etüvni mükemmelleştirmek kerek. Bu da Ukrainada oqumağa ve stipendiya almağa istegen studentlerge bağlıdır.

İrina Vereşçuk ise, bütün mezkür meselelerniñ Reintegratsiya nazirliginde işlenilecegini qayd etti. O, şimdi VİETnıñ sakinlerniñ doğum ya da ölümnen bağlı ukrain vesiqalarını makeme vastasınen degil, İdare hızmetler merkezlerinde (İHM) ise almağa imkânına dair qanun leyhasınıñ azırlanğanını da qoştı.

«İş endi bugün başlanacaq. Eger men mında olsam, meselelerni körsem, ne yapacağımnı endi bilem. Er bir mezkür meseleni incelep adım-adım çezecekmiz. Bu cümleden, kelecek afta devlet köç hızmetinen ortaq toplaşuvımız olacaq», – dep Vereşçuk yekün çekti.

2021 senesine qadar «Qalançaq» KÇYKniñ, Reintegratsiya nazirliginiñ DŞniñ balansına keçecegini hatırlatamız.