burger

Reintegratsiya nazirligi, regional mediadan jurnalistlernen Şarqiy Ukrainağa dair kommunikatsiya siyasetini muzakere etti

Опубліковано 24 November 2021 року, о 17:13

Ukrainanıñ vaqtınca işğal etilgen topraqlarınıñ reintegratsiya meseleleri nazirliginde Ukrainanıñ farqlı vilâyetlerinden regional kütleviy haber vastalarından jurnalistlernen körüşüv keçti. İş ziyareti, barışıqnı eski alına ketirmesi ve inkişaf etmesine dair «Cemiyet telükesizligi ve içtimaiy birlik» BMT Programması çerçivesinde keçirildi.

Reintegratsiya nazirligini terkibiy bölüklerniñ: barışıq inkişafı direktoratınıñ; malümat suvereniteti direktoratınıñ; raqamiy inkişaf, raqamiy transformatsiya ve raqamlaştırma direktoratınıñ; içtimaiy-gumanitar siyaset ve DAK departamentiniñ; strategik planlaştırma ve avropa integratsiyası direktoratınıñ; silâlı tecavuz neticesinde zarar körgen vatandaşlarnıñ aqlarını qorçalama direktoratınıñ reberleri taqdim ettiler.

Körüşüvniñ esas mevzusı, Şarqiy Ukrainağa dair Nazirlikniñ kommunikatsiya siyaseti oldı. Bundan ğayrı,cemiyet telükesizligine ve içtimaiy birlikke yardım etken başqa iş saalarına da diqqat celp etildi. Reintegratsiya nazirliginden er bir spikeri öz faaliyet saasını ve işleriniñ neticelerini añlatıp bulunğan jurnalistlerniñ suallerine cevap berdi. Olar Lugansk, Poltava, Dnipro, Sumı ve Lutsk vilâyetlerinden medialarnı taqdim ettiler.

Qoşmağa isteymiz ki, körüşüv, barışıqnı eski alına ketirmesi ve inkişaf etmesine dair BMT Programması çerçivesinde ve Danimarka, İsveçiya, Şveytsariya ükümetleriniñ parası yardımınen keçirildi. Reintegratsiya nazirligi programmanıñ start noqtası oldı. Jurnalistler kelecek aftanı Donetsk ve Lugansk vilâyetleriniñ cemiyetlerinde keçirecekler.