2021 s. noyabr ayınıñ 26-sinda Ükümetniñ başı Denis Şmıgal ve Vitse-baş nazir — Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, Lugansk vilâyetine iş zeyaretinen keldiler. Ziyaret çerçivesinde memurlar, istidatlı yaş sportçularnıñ qabiliyetlerini yerine ketirüv saasında mütehassıs olğan «Olimp» vilâyet deben merkezini ziyaret ettiler.

Bu merkezde, Ukraina Prezidentiniñ «Büyük quruv» programması çerçivesinde sport gimnastika zalı quruldı, em de trenajor zalınıñ rekonstruktsiyası devam etmektedir. Rekonstruktsiyaniñ, kelecek yılnıñ soñuna devam etecegi beklenmekte. Şimdi demontaj işleri endi bitirildi ve kelecek zalnıñ karkası quruldı. Bu cümleden, yañı gimnastika zalı, tek vilâyetten degil, bütün Ukraina milliy taqımından gimnastikacılarnıñ azırlanması içün esas bir yer olacaq.

Bu cümleden, delegatsiya, yengil atletika manejiniñ ve idman toplaşuvı vaqtında sportçular içün evlerniñ quruluvınıñ başlanuvını közden keçirdi.

Qayd etemiz ki, Lugansk vilâyetindeki «Olimp» beden merkeziniñ yengil atletika manejiniñ quruluvı, astyapı leyhalarınıñ kerçekleştirilmesi ve içtimaiy-medeniy obyektleriniñ ikişafı içün devlet bücetinden yerli bücetke subventsiya çerçivesinde yerine ketirilmekte.