2021 s. noyabr ayınıñ 29-ında Herson şeer şurasınıñ reberleri İgor Kolıhayev, Ukrainanıñ vaqtınca işğal etilgen topraqlarınıñ reintegratsiya meseleleri naziriniñ muavinleri Snaver Seithalilev, Ukraina Vitse-baş naziri mesleatçısı – Ukrainanıñ vaqtınca işğal etilgen topraqlarınıñ reintegratsiya meseleleri naziri Pavlo Kozırev, Odessadaki Türkiye Cumhuriyeti Baş konsullığıniñ ve Herson vilâyetindeki Meclisniñ vekillerinen beraber körüştiler.

Olar, imzalanğan qırımtatar halqı temsilcileri, DAK ve başqa imtiyaz alğan ukrain vatandaşları içün meskenniñ quruluvı saasında aqqında Ukrainanıñ Türkiyenen çerçive añlaşmasına köre Hersonda «TOKI» türk devlet qurucılıq şirketi tarafından çoq daireli evniñ qurulmasınen bağlı meselelerni muzakere ettiler.

İştirakçiler, işletmege açmaq kerek olğan ulaşuv ve astyapı esabında qurulış leyhasınıñ fiyatını kesen-kes esaplamaq içün kelecek iş körüşüvini «TOKI» şirketiniñ qurdurıcılarınen keçirmege añlaştılar.

2021 s. aprel ayınıñ 10-unda Ukrainanıñ Türkiye Cumhuriyetinen, qırımtatarlar ve devlet içinde alınğan kişiler içün meskenniñ quruluvı aqqında ükümetlerara añlaşmanı imzalağanını hatırlatamız. Vesiqağa köre, Türkiye 500 daireni: 200 Mıkolayivde, 200 Hersonda ve 100 Kıyıvda quracaq. Caminiñ quruluvı daa planlaştırıla.