Ukrainanıñ vaqtınca işğal etilgen topraqlarınıñ reintegratsiya meseleleri naziriniñ muavinleri İgor Yaremenko ve İnna Dragançuk Yaqın Şarq, Latin Amerikası, Cenüp-Şarqiy ve Şarqiy Avropa işlerinde Mıntaqa vekili Folker Elniñ başlığında Almaniya Federativ Cumhuriyetiniñ iqtisadiy işdeşlik ve inkişaf Federal Nazirliginiñ delegatsiyasınen körüştiler. Körüşüv nazirlikte keçirildi.

Şimdi Alamniyanıñ maliyeviy yardımınen Ukrainada 8 içtimaiy leyha yerine ketirilmekte. Olarnıñ ekisi de devlet içinde alınğan kişiler içün mekân teminine ait ola.

Reintegratsiya nazirliginiñ vekilleri, alman işdeşlerini, leyhalarnı yerine ketirüvniñ mevcut vaziyeti, bu cümleden DAK içün imtiyazlı ipoteka krediti, DAK içün Kramatorsk ve Severodonetskte mekânnıñ quruluvı leyhaları aqqında haberdar ettiler. Bu eki leyhası, ğayrıdan quruluv içün Kredit müessiseleri (KfW) vastasınen AFC ükümetiniñ parasınen temin etilmekte.

Ukraina tarafı, yañı iş yerlerini yaratmağa ve iqtisadiy inkişafqa stimul bermege yardım etken leyhalarnıñ prioritetligini qayd etti. Bu bağda, Donetsk ve Lugansk vilâyetleriniñ iqtisadiy inkişafı strategiyası tarafından ögünden esapqa alınğan esas çareler qayd etildi, bu cümleden kiçik ve orta bizneske ve bu bölgelerde köy hocalığınıñ inkişaf etüvini temin etilmek içün kiçik çiftçilerge de yardım etüv ayrıca kösterildi.

Bundan ğayrı, strategiya tarafından da ögünden esapqa alınğan Almaniyanıñ Donetsk ve Lugansk vilâyetleriniñ kömür bölgesini transformatsiya etüvge müim issesi qayd etildi. Taraflar, bu yönelişte çalışmağa devam etmek kerekligi aqqında razılaştılar.

İqtisadiy meseleler muzakere olğan soñ alman işdeşleri, sıñırlarda Reintegratsiya nazirligi tarafından keçirilgen yoqlav keçitlerini modernleştirüv ceryanına bağlı olğan malümatnen tanış oldılar.