İnsanlar, Ukrainağa qarşı silâlı tecavuz neticesinde azatlıqtan marum etilgen insanlarnıñ tanınması ve içtimaiy qorçalamalarına yönelişli tedbirlerniñ yerine ketirmesinen bağlı meseleler üzerinde İdarelerarası eyyet, 2021 s. dekabr ayınıñ 2-sindeki öz oturışında 87 ukrain vatandaşına dair kerekli qararnı berdi.

Laf, Ukrainağa qarşı RF silâlı tecavuzından, yani 2014 senesinden başlap, farqlı senelerde esir alınğan ve azat etilgen, ya işğalci bir devlet ya da onıñ işğal rejimi trafından qanunsız olaraq alâ daа azatlıqtan marum etilgen ukrainler aqqındadır.

Cümleden, Rusiye Federatsiyası işğal idaresi ve/ya da akimiyet organları tarafından qanunsız olaraq azatlıqtan marum etilgen ve şimdi apiste olğan Ukraina vatandaşlarınıñ 44 qorantası, uquqiy yardım içün 100 biñ grivnalıq ödevni alacaq.

Bundan ğayrı, rus esirliginden evelce azat etilgen daa 43 ukrain vatandaşı, İdarelerarası eyyet tarafından Ukrainağa qarşı Rusiye silâlı tecavuzı neticesinde azatlıqtan marum etilgen olaraq tanıldı. Olarğa da 100 biñ grivnalıq para yardımı berilecektir.

Noyabrnıñ başında Reintegratsiya nazirligi, qanunsız olaraq RF tarafından tevqif etilgen ve şimde apishanede olğan on beş ukrain vatandaşınıñ qorantalarına 1,5 million grivna ödedi.

Bundan ğayrı, 2021 s. noyabrnıñ 26-sında böyle ödevler içün 200 biñ grivna ayırıldı.

2020 s. sentâbr ayında Reintegratsiya nazirliginiñ, Ukrainağa qarşı silâlı tecavuz neticesinde azatlıqtan marum etilgen insanlarnıñ tanınması ve içtimaiy qorçalamalarına yönelişli tedbirlerniñ yerine ketirmesinen bağlı meseleler üzerinde İdarelerarası eyyetniñ işlemesini yañıdan başlatqanını hatırlatamız.