2021 s. avgust ayından noyabr ayına qadar devlet içinde alınğan kişilerniñ 26 qorantası, territoral cemiyetler tarafından, bu cümleden 70/30 programmağa köre devlet bücetinden subventsiyanıñ esabına ayırılğan muvaqqat meskenniñ anahtarını aldı. Böylece, 135 devlet içinde alınğan kişi meskenni aldı.

Bu vaqıtta DAK içün meskenni 17 territorail cemiyet ayırıp berdi:

Vinnıtsâ vilâyeti: Daşiv köy territorial cemiyeti;

Dnipropetrovsk vilâyeti: Slobojanşçına köy territorial cemiyeti, İlarion köy territorail cemiyeti;

Donetsk vilâyeti: Avdiyivka şeer territorail cemiyeti,

Dobropilsk şeer territorial cemiyeti, Kramatorsk şeer territorial cemiyeti;

Jıtomır vilâyeti: Ovruç şeer territorial cemiyeti, Andruşivka şeer territorial cemiyeti;

Zaporijjâ vilâyeti: Novoboğdanivka köy territorial cemiyeti;

Lugansk vilâyeti: Starobilsk şeer territorail cemiyeti;

Mıkolayiv vilâyeti: Veselınove qasaba territorial cemiyeti, Pervomaysk şeer territorial cemiyeti;

Poltava vilâyeti: Orjıtsâ qasaba territorial cemiyeti;

Harkiv vilâyeti: Pervomaysk şeer territorial cemiyeti;

Hmelnıtskıy vilâyeti: Voloçısk şeer territorial cemiyeti;

Çernigiv vilâyeti: Bobrovıtsâ şeer territorial cemiyeti, Gorodnâ şeer territorial cemiyeti;

Bundan ğayrı, 2021 s. noyabr ayınıñ 15-inde Donetsk vilâyetindeki Kramatorsk şeerinde Avropa yatırım bankınıñ maliyeviy yardımınen devlet içinde alınğan kişiler içün 17 (15 bir odalı ve 2 eki odalı) dairelik yataqhane açıldı. Dairelerniñ anahtarları 55 devlet içinde alınğan kişige berildi.

Umumen, 2021 s. dekabr ayında devlet bücetinden DAK içün muvaqqat mesken fondlarınıñ teşkil etilüvine 113 milliondan ziyade grivna ayırıldı. Subventsiyanı aluvda Ukrainanıñ 23 vilâyetinden 94 cemiyet iştirak etti.

DAK içün muvaqqat meskenniñ berilüvi programmasınıñ kerçekleştirilmesine Ukrainanıñ vaqtınca işğal etilgen topraqlarınıñ reintegratsiya meseleleri nazirligi, bu meskenni alması içün yerli bücetlerge subventsiyanı bere. Ukraina Nazirler Kabinetiniñ 2017 s. oktâbr ayınıñ 4-ündeki № 769 «Ukrainanıñ şarqında silâlı tecavuz neticesinde menfiy tesir altında olğan topraqlarğa dair tedbirlerniñ keçirilmesi içün devlet bücetinden yerli bücetlerge subventsiyanı berüvniñ yol-yoruğı ve şaraitiniñ tasdıqlanması aqqında» qararında DAK içün meskenniñ quruluvı, rekonstruktsiyası, temelli tamir etilüvi içün ortaq para berilüvi – yerli bücetten 30% ve devlet bücetinden 70% – esapqa alındı.

Diqqat: devlet içinde alınğan bütün kişiler, muvaqqat meskenni ala bileler. Esapqa alınması içün ve meskenni aluv sırası ve kerekli vesiqalarnıñ cedveli bağlantığa basıp oquya bilesiñiz.

Noyabr ayınıñ 17-sinde Ukraina Nazirler Kabinetiniñ, öz oturışında devlet bücetinden subventsiyanı üleştirdi ve devlet içinde alınğan kişiler içün mesken alması içün 13 million grivnadan ziyade ayırıp doğrultqanını hatırlatamız.

Bundan ğayrı, oktâbr ayında bu maqsatqa 22 million grivnağa yaqın doğrultıldı.

Reintegratsiya nazirligi, cemiyetlerni daa faal tarzda iştirak etmege ve DAK içün mesken alması içün subventsiya tekliflerini baqmağa çağırta.