“Şarqiy Ukraina: qavuştıruv, yañıdan quruv, ğayrıdan yaratuv” (3V leyhası) leyhasınıñ kirsetilmesine dair Dünya bankınıñ missiyası işini bitirdi.
Online-konferentsiya şeklinde keçirilgen Missiyanıñ maqsadı, 2021 s. yanvar ayında başlanğan leyhanıñ kerçekleştirilüvi planınıñ maddeleriniñ yerine ketirilüviniñ statusını teşkermek ve 2022 s. yaqın zaman içün iş planı aqqında kelişmek edi.
Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ (Reintegratsiya nazirligi) reberleri, Dünya Bankınıñ, nazirlik ve Avtomobil yolları devlet agentliginiñ leyhanıñ yerine ketirilüvi gruppaları, Azıq mahsulatı telükesizligi ve istimalcılarnıñ aq-uquqlarını qorçalav meseleleri Ukraina devlet hızmetiniñ, Agrar siyaseti ve azıq nazirliginiñ, Lugansk vilâyet devlet idaresiniñ – arbiy-grajdan idaresiniñ, Severodonetsk şeer AGİniñ, Lugansk vilâyetindeki Starobilsk territorial cemiyetiniñ vekillerinen beraber leyhanıñ bütün maddeleriniñ kerçekleştirilmesine dair şimdiki vaziyetni muzakere ettiler.
Bu cümleden, köy hocalığı işhaneleriniñ toplanuvı üçköşeliginde yollarnıñ quruluvı komponentçığını kirsetüvge ve Missiya vaqtında Starobilsk, Svativ rayonları ve Severodenetsk şeerinden ibaret olğan köy hocalığı topraqları yanında hızmet berüvge dair teraqqiyat qayd etildi. Şimdi, bu komponentçıqnı kirsetken Ukravtodor, 3V leyhası çerçivesinde qurulacaq ilk eki obyektniñ tamil etilmesi içün tender teklifkerini obyektiv olaraq qıymetlendirmektedir. Daa Ukrainanıñ vaqtınca işğal etilgen topraqlarınıñ reintegratsiya meseleleri nazirligi tarafından kirsetilgen komponentçıqnıñ yerine ketirilmesi, bu cümleden Lugansk vilâyetlerinde Starobilsk rayonında yañı zemaneviy agrologistika habınıñ teşkil etilmesi ve Severodonetskte köy hocalığı ve azıq mahsulatını telükesizlikke teşkermek içün zemaneviy laboratoriyanıñ qurulması devam etmektedir. Bundan ğayrı, Lugansk vilâyetindeki Devlet azıq qullanılma hızmeti, «Devlet topraq kadastrı merkezi» devlet müessisesi ve Ukrainanıñ vaqtınca işğal etilgen topraqlarınıñ reintegratsiya meseleleri nazirligi arasında labaratoriya içün topraqnıñ ayırılmasına dair topraq tizüv leyhasınıñ azırlanması içün üç taraflı muqavele tizildi.
Qayd etildi ki, 3V leyhası içün IPG şirketiniñ keçirgeni, Lugansk vilâyetindeki köy hocalığı istisalcıları tarafında istisal etilgen mahsulatnıñ qoşma fiyatını yaratıluv müim usullarınıñ qıymetlendirilmesine dair araştırma, bölgede agroklasterni yaratma kontseptsiyasınıñ azırlanmasını tezleştirecek. Daa UkrAgroKonsalt şirketi, 3V leyhası çerçivesinde Lugansk vilâyetinde iklim olaraq optimizatsiyalaştırılğan köy hocalığını siñdirüvge dair araştırma yapacaq. Bu araştrıma, bölgeniñ suvaruv sistemalarınıñ vaziyetini tetqiq etmege, topraqnı kompleks tarzda talil etmege, vilâyette işlegen suvaruv sistemalarınıñ geofezaiy haritalanması içün malümatnı toplamağa imkân berecek. Ukrainadaki barışıq inkişafı ve ğayrıdan tiklevi ortaqlarınıñ Maqsat fondu yardımınen bu araştırma yapılmaqtadır.
Bundan ğayrı, Missiya vaqtında 3V leyhasınıñ, RF silâlı tecavuzı sebebinden zarar körgen cemiyeler arasında kommunikatsiyanı tüzetmege ve iqtisadiy inkişaf içün küç-quvetlerini birleşmege yardım etmek maqsadınen azırlanğan Kommunikatsiya strategiyası taqdim etildi. Cemiyetlerniñ, hususan bölgede yaşağan yaşlarnıñ çekilmelerinde dair 3V leyhasınıñ strategiyası üzerinde işler devam etmektedir.
Missiyanıñ neticelerine köre, yekün esabatı azırlandı ve kelecek altı ay içün leyhanıñ planı aqqında kelişildi.
“Reintegratsiya nazirligi ve Ukravtodor arasında kelecek işdeşlikke dair semereli munaqaşalar keçirildi. Leyha, faydasını endi köre bilmemiz içün adım-adım “areket etmektedir”. Çünki o, insanlar aqqında ve insanlar içündir“, – Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ devlet kâtibi, 3V leyhasınıñ koordinatorı Konstântın Vaşçenko dep qayd etti.
Rekonstruktsiya ve inkişaf halqara bankınen (Dünya Bankı) Ukrainanıñ “Şarqiy Ukraina: qavuştıruv, yañıdan quruv, ğayrıdan yaratuv” (3V leyhası) leyhasınıñ yerine ketirilmesi içün 100 million AQŞ dollarılıq ödünç aqqında añlaşmanı imzalağanını hatırlatamız. Leyhanıñ maqsadı naqliyat ağını yahşılaştırmaq, RF silâlı tecavuzı sebebinden zarar körgen cemiyetlerinen beraber leyhanıñ işlegeni topraqlardaki köy hocalığı saasınıñ ğayrıdan tiklenmesine yardım etmektir.