Lugansk vilâyetine iş ziyareti çerçivesinde Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk ve Lugansk vilâyeti devlet memuriyetiniñ başı – vilâyet arbiy-grajdan memuriyetiniñ reberi Sergiy Gayday, Novoaydarğa kettiler. Anda devlet içinde alınğan kişiler içün vaqtınca yaşama içün dairelerniñ anahtarını berme merasiminde iştirak ettiler.

«Evsizlik, bizim köçip kelgen kişilerimiz içün eñ şiddetli bir meseledir. Çoq işimiz bar. Çünki biñlerce qoranta meskenni beklemekte. Bugün kiçik, amma pek müim bir adım yaptıq. On bir ailege endi evni aldı. Eminim ki, 2022 s. devlet içinde alınğan kişiler içün meskenniñ quruluvı ve ğayrıdan quruluvı yılı olacaq. Bu, Przedident tarafından qoyulğan prioritettir. İnsanlar beklemege boldurdılar. Bunıñ içün bu esnasnı tezleştirmek ve insanlarnıñ hayallerini kerçekleştirmek içün elimizden kelgen er şey yapamız», – İrina Vereşçuk dep qayd etti.

Sergiy Gaydaynen beraber Vitse-baş nazir, evdeki yaşayış şaraitini teftiş etti. Obyektni işletmege açmadan evel, DAK içün yaşayış şaraitini yaratması içün yañıdan planlaştıruv ve temelli tamir oldı: fasadnı suvuq keçmegen kibi etüv, pencereler ve qapılarnı deñiştirüv, divarlarnı, taban ve tavannı tamir etüv, radiatorlarnı tiklev, suv yolu ve kanalizatsiya borularını ve elektrik ağını çeküv, aşhane mebeli ve santehnikanı tiklev, em de ev ögündeki territoriyanı abadanlaşuv yerine ketirildi.

İşlerniñ umumiy fiyatı, KfW İnkişaf alman bankı vastasınen berilgen Almaniya Ükümetiniñ 14,1 mln grivnası ve Novoaydar qasaba cemiyetiniñ bücetinden 2,7 mln grivna oldı.

«DAK içün meskenniñ quruluvına yardım etmesi içün Lugansk vilâyetiniñ başı Sergiy Gaydayğa ve onıñ taqımına teşekkür bildirmege isteyim. Ayrıca leyhamızğa para yardımını bergen Almaniya Ükümetine teşekkür etem. Donorlarnıñ parası tamam insanlarnıñ ihtiyaclarına masraf etmesi içün bizim halqara ortaqlarımıznen çalışmağa ögrenmek kerekmiz. Bu daireler güzel bir misal ola bile», – Vitse-baş nazir dep yekünledi.

KfW vastasınen Almaniya Ükümetiniñ 2018-2022 ss. kerçekleştirilmek kerek olğan «İYUF İçtimaiy astyapınıñ inkişafına yardım VI» leyhasınıñ, Lugansk vilâyetinde endi faal tarzda yerine ketirgenini hatırlatamız. Böylece, Kreminnada DAKniñ dört qorantası ve Severodonetskte ise 19 qorantası içün ev açıldı.

Daa bu programma Donetsk, Dnipropetrosvk, Zaporijjâ ve Harkiv vilâyetlerinde kerçekleştirilmekte, umumiy fondnıñ büceti ise 9,0 mln yevrodır.